ශ්රියානි විජේසිංහ
රත්නපුර රෝහලේ අධ්යක්ෂවරයාගේ දරදඩු ක්රියාවන්ට සහ රෝගී සත්කාර සේවාවන් හිතාමතා අඩපණ කිරීමට විරෝධය පළ කරමින් අද (28) දිනයේදී රත්නපුර රෝහල තුළ ආරම්බ කිරිමට නියමිතව තිබු සංකේත වැඩ වර්ජනය නතර කල බව රෝහල් ආරංචි මාර්ග සඳහන් කරයි.
රෝහල් අධ්යක්ෂවරයාගේ ක්රියාකලාපයන් සම්බන්ධයෙන් සෞඛ්ය අමාත්යංශයේ විශේෂ කණ්ඩායමක් විසින් පරික්ෂණයක් ආරම්බ කිරීමට හේතුවෙන් මෙම සංකේත වැඩ වර්ජනය නතර කළ බව රෝහල් ප්රකාශකයෙකු පැවසුවේය.
මේ වන විට එම පරික්ෂණ කණ්ඩායම රෝහලට තුළට පැමිණ අදාල පුද්ගලයින්ගෙන් අදහස් ලබා ගනිමින් සිටින බවද වාර්තාවේ.
මයියංගනය, කෑගල්ල, නුවරඑළිය සහ ගම්පල රෝහල්වල අධ්යක්ෂවරයා ලෙස කටයුතු කරන කාලයේදීද වෛද්යවරුන්ට දැඩි පීඩනයක් එල්ල කර පුද්ගලයෙකු බවට සෞඛ්ය අමාත්යංශයට පැමිණිලි ලැබී ඇති බව ද ඔහු ලංකාසර වෙත අදහස් දක්වමින් පැවසුවේය.
සෞඛ්ය අමාත්යංශය තුළ මොහුට විරුද්ධව පැමිණිලි විශාල සංඛ්යාවක් පැතියදී රත්නපුර රෝහල වැනි ශික්ෂණ රෝහලක අධ්යක්ෂවරයා ලෙස පත්කිරීම බරපතල තත්තවයන් නිර්මාණය කරන්නක් වූ බවද සඳහන් වේ.
