දිනසේන රතුගමගේ –
2022 වසරේ සිට මේ දක්වා උතුරේ අධිකරණ විසින් නිදහස් කරණ ලද ඉන්දීය ධිවරයින්ට අයත් ධීවර බෝට්ටු හතක් තමිල්නාඩුවට රැගෙන යාමට රාමේස්වරන් ධීවර නායකයා ඇතුළු 14 දෙනෙකුගෙන් සමන්විත කණ්ඩායමක් යාපනයට පැමිණ සිටිති.
රාමේස්වරන් ධීවර නායක එස්.ජේසුරාසා ප්රමුඛ එම පිරිස යාපනයේ මයිලිට්ටි ධීවර වරාය වෙත ගොස් නිදහස් කොට ඇති බෝට්ටු 07 ඊයේ (27 ) පරීක්ෂාවට ලක් කළ අතර ඔවුන් කියා සිටියේ වසර කීපයකින් එම බෝට්ටු පණ ගන්වා නොමැති නිසා පූර්ණ අලුත්වැඩියාවකින් පසුව බෝට්ටු රාමේස්වරන් වෙත රැගෙන යාමට සිදුවන බවය.
මේ පිරිස දින තුනක කාලයක් යාපනයේ රැදී සිටිමින් බෝට්ටු අලුත් වැඩියා කිරීමේ කටයුතු වගකිව යුත්තෙකුට බාර දී රාමේස්වරන් බලා පිටව යාමට නියමිතව ඇති අතර බෝට්ටු අලුත් වැඩියා කිරීමෙන් පසුව ඔවුන් යළි යාපනයට පැමිණ ඔවුන්ගේ බෝට්ටු හත රාමේස්වරන් වෙත රැගෙන යාමට නියමිතය.
කළින් ධීවර පනතට අනුව ඉන්දීය ධීවරයින් බලහත්කාරයෙන් උතුරු මුහුදට පැමිණ මසුන් මැරීමේ කටයුතු වල නිරතව සිටියදී නාවික හමුදා අත් අඩංගුවට පත් වුවහොත් ධීවර බෝට්ටු රාජසන්තක කෙරෙන අතර ධීවරයින් පමණක් අධිකරණමය ක්රියාදාමයක් ඔස්සේ නිදහස් කරණු ලබයි.
නමුත් මේ වන විට බෝට්ටු සම්බන්ධයෙන්ද තීන්දු තීරණ ගැනීමට අධිකරණයට බලය හිමි වී තිබේ.
