අප තවමත් කහ කලාපය තුල රැදී සිටින බැවින් ලබන 01 වෙනිදා රට යළි විවෘතකල විට පුද්ගල වගකීම් නිසියාකරයෙන් ඉටු නොකළහොත් නැවත රතු කළාපයට යාමට බොහෝ දුරට ඉඩ ඇතැයි සෞඛ්ය අමාත්යංශයේ කොවිඩ් රෝග පාලන සම්බන්ධිකාරක වෛද්ය අන්වර් හම්දානි සඳහන් කරයි.
මේ වන විට දෛනික කොවිඩ් රෝගීන් වාර්තා වීම සියයට 70න් පමණ අඩුවී ඇති අතර මරණ සංඛ්යාව සියයට 60න් පමණ අඩුව ඇතැයි සඳහන් කරන වෛද්ය හම්දානි දෛනික රෝගීන්ගේ සංඛ්යාව 950ක් වී මරණ සංඛ්යාව 50ට අඩුවීම කොළ කලාපයට ලඟාවීමට ඇති සුදුසුකම බව පෙන්වාදේ.
මෙම ඉලක්කයට ලඟා වීම සඳහා එන්නත්කරණය සාර්ථකව ක්රියාත්මක කරන නමුත් පුද්ගල වගකීම් නිසියාකාරයෙන් ඉටුනොවන්නේ නම් අප අසීරුවෙන් ලඟාකර ගත් මේ ජයග්රහණයේ මාවත අපෙන් ගිලිහී යාමට ඉඩ ඇතැයි ඔහු පෙන්වාදේ.
පොදු ප්රවාහන සේවාව නැවත විවෘතකළ පසු ඒවා ක්රියාත්මක වන්නේ කෙසේද යන්න පිලිබඳව මේ වන විටත් නිසි සැලසුමක් සකස් කර තිබිය යුතු අතර එම සැලසුමට අනුව සෑම පුද්ගලයෙකුම කටයුතු කිරීම ඔවුන්ගේ වගකීමක් යැයිද වෛද්යවරයා පෙන්වාදේ.
මේ අනුව අප රටක් වශයෙන් රතු කලාපටය ගමන් කරනවාද කොළ කලාපයට ගමන් කරනවාද යන්න රැදී පවතිනුයේ පුද්ගලය වගකීම මත යැයිද ඔහු පෙන්වාදේ.
