ලලිත් චාමින්ද –
ජාති ,ආගම්, කුල, වර්ණ ලිංග, පක්ෂ බේදයෙන් තොරව රට ඉදිරියේ ඇති අභියෝගය ගැන කල්පනා කර රට යන අත ගැන සිතා කටයුතු කළහොත් හෙට එපමණ කළුවර නැති බැව් ප්රවාහන මහාමාර්ග හා ජනමාධ්ය ඇමති බන්දුල ගුණවර්ධන පවසයි.
ලෝක ඡයාරුප දිනය නිමිත්තෙන් ගාල්ල නගර ශාලාවේ දි පැවැති සැමරුම් උත්සවයකට එක්වෙමින් ඇමතිවරයා මේ බව සඳහන් කළේය. ඇමතිවරයා මෙසේද කිවේය.
රජයේ සේවකයින්ට වැටුප් ගෙවිම සදහා, විශ්රාමිකයන්ට විශ්රාම වැටුප් ගෙවිමට, සමෘද්ධි සහනාධාර දෙන්න, පොලි මුදල් ගෙවන්න, මංමාවත් ජල බස්නා යෝජනා ක්රම හදන්න විදුලිය දෙන්න 2025 වර්ෂය සදහා අයැවය ලේඛණයක් ඉදිරිපත් කළ යුතුයි. ඇයවැය ලේඛනය හදනවිට ඇමරිකානු ඩොලර් මිලියන 5018 හා රුපියල් මිලියන 1500ක් මදිවෙනවා.
ජාත්යන්තර් මුල්ය අරමුදල මගින් පොරොන්දු වෙලා තියෙනවා ඩොලර් මිලියන 663ක්, ඩොලර් මිලියන700ක් අයවැය ලේඛනය හදන්න දෙනවා. ලෝක බැංකුව ඩොලර් මිලියන 400ක් දෙනවා. ආසියානු සංවර්ධන බැංකුව ඩොලර් මිලියන 300ක් දෙනවා. ණය ගෙවන්නේ නැති නිසා ඩොලර් මිලියන 3655ක ණය සහනයක් ලැබෙනවා.
මේ ටික නැතිවුවහොත් එතනින් එහාට සති දෙකක්වත් මාසයක්වත් ලංකාව පවතින්නේ නැහැ කඩාගෙන වැටෙනවා.” ඇමතිවරයා කිවේය.
