රටේ ප්රජාතන්ත්රවාදයේ මිනී පෙට්ටියට ඇණ ගැසීමට අවසන් ලෑලි යතු ගාමින් සිටින බවත් එම ප්රජාතන්ත්ර විරෝධී ක්රියාදාමයට එරෙහිව මේ රටේ මහා සංඝරත්නය, කලාකරුවන්, ජනතාව, මාධ්ය ඇතුළු සියලු දෙනා එකට එක් විය යුතු බවත් හිටපු ජනාධිපති මෛත්රීපාල සිරිසේන ප්රකාශ කළේය.
දේශපාලකයෙක් සිය දේශපාලන ජීවිතය සම්පූර්ණ කරගැනීමට රිමාන්ඩ් භාරයේත් සිටිය යුතු යැයි තමන් කල්පනා කරන බැවින් රනිල් වික්රමසිංහ අත් අඩංගුවට ගැනීම ඔහුගේ දේශපාලන ජීවිතයේ එක් අවස්ථාවක් ලෙස සලකන නමුත් එම අත් අඩංගුවට ගැනීමේ ක්රියාවලියට සපුරා එරෙහිවන බවය.
ඔහු මේ බව ප්රකාශ කළේ රනිල් වික්රමසිංහ හිටපු ජනාධිපතිවරයා අත් අඩංගුවට ගැනීමට එරෙහිව විපක්ෂයේ සියලුම දේශපාලන පක්ෂ නායකයින් එක් වී අද (24) සංවිධානය කළ “ව්යවස්ථාපිත ඒකාධිපතිවාදය පරදවමු” මාධ්ය හමුවේ ආරම්භක කතාව කරමිනි.
ඔහු අවධාරණය කළේ රනිල් වික්රමසිංහ හිටපු ජනාධිපතිරවයා නිදහස් කරගැනීම සඳහා විපක්ෂයේ සියලුම දේශපාලන පක්ෂ එක්ව කළ හැකි උපරිම කැපවීම කර ප්රජාතන්ත්රවාදය ආරක්ෂා කරන බවය.
එහිදී හිටපු ජනාධිපතිවරයා මෙසේ ද පැවසුවේය.
“පෙරේදා හිටපු ජනාධිපති රනිල් වික්රමසිංහ මහත්මා අත් අඩංගුවට ගැනිම සම්බන්ධව මුලින්ම මගේ දැඩි කණගාටුව සිත්වල ඇතිවෙලා තියන වේදනාව ප්රකාශ කරනවා. එතුමා මේ රටට විශාල සේවයක් කරපු කෙනෙක්. ඒක නිසා ඒ පිළිබඳව බලවත් සේ අපේ කණගාටුව ප්රකාශ කරනවා.
විශේෂයෙන්ම අපේ රට ජාත්යාන්තර දේශපාලනය හා යන ගමනේ දී අපට සිහිපත් වෙනවා සාර් රාජ්ය පාලනය තිබුණු සෝවියට් දේශය 14 වැනි සාර් රජු එදා විපලවය කරලා ඔක්තොම්බර් විප්ලවයෙන් ඉතාම දැඩි හිංසාකාරී පාලනයක් පලවා හැරියා. ඉන් පසුව කාල් මාක්ස්ලා ලෙනින්ලා සහ ඊට සම්බන්ධ වෙච්චි පිරිස් ප්රධාන වශයෙන් පරිවර්තනයක් කරලා ජනතාවගේ නිදහස හා ප්රජාතන්ත්රවාදය පිලිබඳ ඉහළ තැනකට ගෙනිච්චා.
ප්රජාතන්ත්රවාදය එක් එක් විදිහට නිර්වචනය කරන්න පුලුවන්. 1992 දී සෝවියට් දේශයම නැවත රටවල් 27කට කැඩුනා. ඒ පැත්තකින් යුරෝපය.අපේ රට යන වර්තමාන ගමන් මගේදී රටේ ප්රජාතන්ත්රවාදය කියන එක ගැන තද ප්රශ්නාර්ථයක් ඇතිවෙලා තියනවා දේශපාලනය දන්න අයට.
ප්රජාතන්ත්රවාදය කියන එක මේ රටේ ජනතාවගේ ලේවලට කා වැදිලා තියන දෙයක්. 48 ලබා ගත් නිදහසේ සිට ඩී.එස්.සේනානයක බණ්ඩාරනායක වැනි නායකයින් යටතේ මේ රටේ ප්රජාතන්ත්රවාදය එනන් එන්න ශක්තිමත් වුනා. මගේ කාලය තුළ කවුරු කෙසේ කොහොම කිව්වත් ආණ්ඩුක්රම ව්යවස්ථාවේ 19 වැනි සංශෝධනය 48න් පසු මේ රටේ ප්රජාතන්ත්රවාදය වඩාත්ම ශක්තිමත් වෙච්චි ව්යවස්ථාව කියලා කියන්න පුලුවන්.
දැන් අපට පෙනී යන කාරණයක් තමයි ප්රජාතන්ත්රවාදී සමාජයක තියන ගති ලක්ෂණ ක්රමයෙන් මැකී යන ආකාරයක් අපට දකින්න පුලුවන්. ප්රජාතන්ත්රවාදයේ වැළලීමේ මිනී පෙට්ටියේ ලෑලි යතු ගාමින් සිටින බව තමයි අපට පෙනෙන්නේ. ඒක නිසා මේ රටේ මාධ්ය ආයතන මහා සංඝරත්නය ප්රමුඛ ආගමික නායකයින්, මේ රටේ රාජ්ය සේවකයින්, කලා කරුවන් මේ රටේ පුරවැසියන් පාසල් දරුවාගේ සිට මේ ප්රජාතන්ත්රවාදී සමාජයක තියන අගය තේරුම් ගැනීම ඉතාම අවශ්ය වෙනවා.
ඒ නිසා අභියෝගයක් වෙනවා නම් ඒ සඳහා යම් ප්රශ්නාර්ථයක් මතුවෙමින් පවතින බව මේ රටේ ප්රජාතන්ත්රවාදය අගයකරන සෑම කෙනෙකුගේම වටිනාකමක් සහ යුතුකමක් වෙනවා මේ සිද්ධවෙන දේශපාලන පක්ෂ භේද අමතක කරලා මහජනතාවගේ නිදහස ප්රජාතන්ත්රවාදය වෙනුවෙන් රට බේරාගැනීමට කටයුතු කිරිම .
ඒ නිසා අපි ආරාධනා කරනවා මේ වාඩිවෙලා ඉන්න සියලුම දෙනා ඒකාබද්ධ මතයක් විදිහට රටේ ප්රජාතන්ත්රවාදය ආරක්ෂා කරගැනීම සඳහා සියලු දෙනාම එක්ව කටයුතු කිරීමේ කාලය පැමිණෙමින් තියන බව . ඒ නිසා අපට අපේ දේශපාලන ප්රතිපත්ති තුළ අපි දුක් විඳලා තියනවා. හිරේ ගිහින් තියනවා. නොයෙකුත් කරදරවලට පත් වෙලා තියනවා. ඒක නිසා සාමාන්යයෙන් රනිල් වික්රමසිංහ මහත්මයා රිමාන්ඩ් භාරයට ගත්තා කියන එක දේශපාලකයෙක් විදිහට දේශපාලකයෙක් රිමාන්ඩ් එකේවත් හිටියේ නැතිනම් ඒ දේශපාලන චරිතය අංග සම්පූර්ණ වෙන්නේ නෑ. ඒ නිසා ඒ තත්ත්වයන් උඩ මේ ඇතිවෙලා තියන තත්ත්වය ඉතාම කණගාටු දාකයකයි.
ඒ නිසා රනිල් වික්රමසිංහ මහතා නිදහස් කරගැනීමට පැමිණ සිටින දේශපාලකයින් දේශපාලන පක්ෂ නායකයින් අපට කරන්න පුලුවන් උපරිම කැපවීම අප ප්රජාතන්ත්රවාදීව කරන බව සහතික වෙනවා.
