ජනාධිපතිවරණ උණුසුම මැද්දේ ක්රිකට් බලධාරීන් ක්රිකට් අරමුදල් කිසිදු ලෝබ කමක් නැතිව වියදම් කරන්නට පටන් ගෙන ඇති බව වාර්තා වේ.
ක්රිකට් ආයතනය තුළ සිදු කෙරෙන ගොඩනැගිලි නවීකරණ කටයුතු වෙනුවෙන් මේ දිනවල මිලියන 75 ක් පමණ වැය කොට ඇති අතර මින් මිලියන 50 ක්ම වැය කොට ඇත්තේ ප්රධාන විධායක නිලධාරිවරයාගේ කාමරය නවීකරණය කිරීමට බව කියවේ.
මේ අතර ඛෙත්තාරාම ක්රීඩාංගණයේ විදුලි ධාරා පද්ධතිය අලුත් කිරීම සඳහා ඊයේ මිලියන 450 ක අත්තිකාරමක් ගෙවා ඇතැයිද වාර්තා වේ.
මෙසේ කරනු ලබන වියදම් හේතුවෙන් මේ මාසයේ සේවක වැටුප් ගෙවා දැමීම පිළිබඳවද ගැටලුවක් පැන නගිනු ඇතැයි සේවකයෝ බිය පළ කරති.
