අකුරේගොඩ දී නීතිඥවරයෙක් සහ ඔහුගේ බිරියට වෙඩි තබා ඝාතනය කර සැකකරුවන් වහා අත් අඩංගුවට ගන්නැයි බල කරමින් සියලුම නීතිඥවරු අද දිනයේ අධිකරණ කටයුතුවලින් ඉවත් වීමට තීරණය කළහ.
ශ්රී ලංකා නීතිඥ සංගමයේ සභාපති රජීව් අමරසුරිය පැවසුවේ අදාල සිද්ධිය සම්බන්ධව කඩිනමින් විමර්ශන සිදුකරන ලෙස රජයෙන් ඉල්ලීමක් කරන බවය.
“ අද දින අධිකරණ නීති කටයුතුවලින් ඉවත් වීමේ තීරණය රට පුරාම හැම උසාවියකම ක්රියාත්මක වෙලා තියනවා. මේ සංකේතාත්මක විරෝධතාවය මගින් අපි මහජ නතාවටත් රටටත් කියන්නේ මේ වගේ ඝාතන සිද්ධි නීතිඥවරයෙකුට වුනත් වෙන කාට උනත් වෙන්න ඉඩ තියන්න බෑ.”
“ රජයට වගකීමක් තියනවා මහජන ආරක්ෂාව නීතියේ ආධිපත්ය ස්ථාපිත කරන්න. නීතිඥ සංගමයේ හැටියට අපි අවශ්ය උපකාර උපදෙස් සහයෝගය දෙන්න ලෑස්තියි. නමුත් මේ අපේ නීතිඥ බුද්ධික මල්ලවආරච්චි මැති තුමත් එතුමාගේ බිරියත් සිදුවන ඝාතනය අවසාන ඝාතනය විය යුතුයි. මෙය නැවත නොවිය යුතුයි.”
“ රජය මේ වගකීම භාරගන්න ඕන. මේ වෙච්ච දේ නැවත නොවෙන්නත් අනෙක් පැත්තෙන් මේ ඝාතනයට සම්බන්ධ සියලු දෙනා අත් අඩංගුවට ගෙන නිසි ලෙස දැඩි ලෙස නීතිය ක්රියාත්මක කරන්න ඕන.”
“ මේ අවස්ථාවේ දී අපේ නීති පද්ධතියේ සියලුම පාර්ශවයන්, විනිසුරු තුමන්ලාට, නීතිපති දෙපාරේතමේන්තුවට, අපේ නීතිඥ ප්රජාවට ශ්රී ලංකා සංගමයේ ස්තුතිය පල කරනවා මේ අවස්ථාවේ එකට සිටීම ගැන. “
“මීට අමතරව මේ සිද්ධිය සම්බන්ධව වන පරීක්ෂණ සම්බන්ධව අපි ලඟින්ම නිරීක්ෂණය කරනවා…” නීතිඥ සංගමයේ සභාපතිවරයා අවධාරණය කළේය.
