ශ්රී ලංකා ක්රිකට් ආයතනයේ හදිසි විගණනයක් සඳහා මේ දිනවල රජයේ විගණකාධිපති දෙපාර්තමේන්තුවේ නිලධාරීන් පැමිණ ඇතැයි වාර්තා වේ.
විගණන නිලධාරීන්ගේ පැමිණීමත් සමග ක්රිකට් ආයතනයේ භාණ්ඩාගාරික හදිසි අසනීප තත්ත්වයක් මත නවලෝක රෝහලට ඇතුළත් කොට ඇති බව ක්රිකට් ආයතනයේ සේවකයකු ලංකාසරට පැවසීය.
කෙසේ වෙතත් ක්රිකට් ආයතනයේ අභ්යන්තර ආරංචි මාර්ග පවසන්නේ පසුගිය වතාවක විගණනයක් සඳහා පැමිණ මුලින්ම කැපී පෙනෙන ලෙස වැඩ පෙන්නා පසුව ක්රිකට් භාණ්ඩාගාරිකවරයා නිතර නිතර හමුවන්නට එන නිලධාරියකු නැවත වතාවක් මෙම විගණනයට පැමිණීම කැපී පෙනෙන බවය.
පසුගිය ජනාධිපතිවරණය පැවති කාල සීමාව තුළ ක්රිකට් ආයතනයේ මුදල් කෝටි ගණනක් දේශපාලන කටයුතු සඳහා ලබා දී ඇතැයි මාධ්ය වාර්තා පළ විය.
