ක්රියාකාරී යෞවන සමාජ ප්රතිසංවිධානය කිරීම සහ අක්රීය යෞවන සමාජය යළි පිහිටුවීම සිදුකරනු ලබන්නේ පනතින් ලබා දුන් බලතල මත වාර්ෂිකව සිදුකරන ක්රියාවලියක් ලෙස බවත්, යෞවන සමාජ සඳහා විධායක තනතුරු තෝරා ගන්නේ නිදහස් ඡන්දයකින් බැවින් 2/11/25/1 චක්රලේඛනය මගින් යෞවන සමාජ දේශපාලනීකරණය කර ඇතැයි විපක්ෂ නායකවරයා එල්ල කරන චෝදනාව මුලුමනින්ම ප්රතික්ෂේප කරන බවත් යෞවන කටයුතු නියෝජ්ය අමාත්ය එරංග ජයවර්ධන අද පාර්ලිමේන්තුවේ දි පැවසුවේය.
ඔහු පාර්ලිමේන්තුවට කීවේ වයස අවුරුදු 15-29 අතර තරුණ තරුණියන් සම්බන්ධ කරගනිමින් දිවයින පුරා තරුණ සමාජ පිහිටුවා එම තරුණ තරුණයන් බහුතර චන්දයෙන් තොරා පත්වන තරුණ තරුණියන් ප්රාදේශීය බල මණ්ඩලවලටත්, දිස්ත්රික් බල මණ්ඩලවටත්, තෝරා පත් කරගෙන ඇති බවය.
එම ක්රියාවලිය තරුණ තරුණියන් අතර ඡන්දයක් මාර්ගයෙන් සිදුකරන අතර කිසිදු දේශපාලන ක්රියාවලියක් හෝ හිතවත්කම් මත පදනම්ව සිදුකර නැති බව ඉතා පැහැදිලිව සඳහන් කරන්නේ යැයි නියෝජ්ය ඇමතිවරයා කීවේය.
සෑම වසරකම යෞවන සමාජ සම්මේලන ප්රතිසංවිධාන කිරීම ජාතික තරුණ සේවා සභාවේ සාමන්ය ක්රියාවලියක්වන අතර එහිදී
ක්රියාකාරී යෞවන සමාජ ප්රතිසංවිධානයත් ක්රියාකාරි නොවන යෞවන සමාජ යළි පිහිටුවීමත් සිදුකරන්නේ යැයි ඔහු පෙන්වා දුන්නේය.
“ඒ අනුව නව වසරේ යෞවන සමාජ පිහිටුවීමේ හෝ ප්රතිසංවිධානය කිරීමට තරුණ සේවා නිලධාරීන්ට බලය ලැබෙන සභාපති, අධ්යක්ෂ ජනරාල් විසින් චක්රලේඛනයෙන් බලය ලබා දීමෙන් පසුව 2025 වසරේ දී ජාතික තරුණ සේවා සභාවේ සභාපති / අධ්යක්ෂ ජනරාල් විසින් නිකුත් කරනු ලැබූ චක්රලේඛනයට යටත්ව සක්රීය යෞවන සමිති ප්රතිසංවිධානය කිරීමත් සක්රීය නොවන යෞවන සමාජ යළි පිහිටුවීමත් කර ඇත.”
“මෙම යෞවන සමාජය පිහිටුවීම සඳහා ස්ථාවර නියෝග මාලාවක් නිකුත් කර ඇත. එය සභා සම්මත කිරීමට හෝ එයට තව දුරටත් ස්ථාවර නියෝග එකතු කිරීමට යටත්ව ජාතික තරුණ සේවා සභාව විසින් ස්ථාවර නියෝග නිකුත් කර ඇත.”
“යෞවන සමාජයේ විධායක තනතුරු සඳහා අවම වශයෙන් වසර දෙකක කාලයක් ක්රියාකාරීව යෞවන සමාජයක සාමාජිකත්වය දැරිය යුතු බවට කිසිදු නියෝගයක් නොමැති අතර මේ වසරේ ඉදිරිපත් කර ඇති චක්ර ලේඛනය මගින් සෑම තරුණයෙකුටම යෞවන ව්යාපාරයට එකතු වීමට ඉඩ ප්රස්ථා විවර කර ඇත.”
“ඒ තුළින් ව්යවස්ථාව සහා චක්රලේඛයට අනුව තරුණ තරුණියන්ට තනතුරු දැරීමේ අයිතිය තහවුරු කර ඇත.”
නියෝජ්ය ඇමති වරයා පැවසුවේය.
