කොළඹ යුනියන් පෙදෙස පාර්ක් වීදියේ රාත්රී සමාජ ශාලාවක පසුගිය 22 දා සිදුවූ පහර දීම සම්බන්ධයෙන් යෝෂිත රාජපක්ෂ සමග පැමිණි බව කියන පුද්ගලයින් හතර දෙනෙක් කොළඹ මධ්යම අපරාධ විමර්ශන කොට්ඨාසය විසින් අත් අඩංගුවට ගෙන තිබේ.
පොලිස් මාධ්ය ප්රකාශක ජ්යෙෂ්ඨ පොලිස් අධිකාරී බුද්ධික මනතුංග ප්රකාශ කළේ ඔවුන් පොලිසියට පැමිණ භාර වීමෙන් පසුව අත් අඩංගුවට ගෙන ඇති බවය.
පසුගිය 22 දා අළුයම ආරක්ෂක ක්රමවේද ප්රතික්ෂේප කරමින් මෙම රාත්රී සමාජ ශාලාවට ඇතුළුවීමට උත්සාහ කළ යෝෂිත රාජපක්ෂ සහ ඔහුගේ බිරිය ආරක්ෂක නිලධාරීන් විසින් වැලැක්වූ පසු ඔහු සමග පැමිණි පිරිස අදාල වැළැක්වීම කළ ආරක්ෂක නිලධාරියාට පහර දී තිබිණි. ඒ වන විට යෝෂිත සහ බිරිය එම ස්ථානයෙන් පිටවි ගොස් සිටියේය.
සිද්ධිය පිළිබඳ කොම්පඤ්ඤවීදිය පොලිසිය විමර්ශන සිදුකරමින් ආරම්භ කළේය. ඊයේ එම පොලිසිය යෝෂිත රාජපක්ෂගෙන් සහ ඔහුගේ බිරියගෙන් ද ප්රකාශ සටහන් කරගෙන තිබිණි.
අදාල විමර්ශන මේ වනවිට කොළඹ මධ්ය අපරාධ විමර්ශන කොට්ඨාසය වෙත භාර දී ඇත.
