දිනසේන රතුගමගේ –
යාපනය විශ්වවිද්යාලය තුළ අදහස් ප්රකාශ කිරීමට නිදහසක් නොමැති අවස්ථාවක අධිකරණයේ ස්වාධීනත්වය සම්බන්ධයෙන් දේශනයක් පැවැත්වීමට නීති පීඨය තමන්ට ආරාධනා කිරීම හාස්යයයට කරුණක් බව ප්රකාශ කරමින් නීතිඥ ස්වස්තිකා අරුලාලිංගම් යාපනය විශ්වවිද්යාලයේ උපකුලපතිවරයා වෙත 2 දා ලිපියක් යවමින් ප්රකාශ කොට ඇත.
නීතිඥවරිය යාපනය විශ්ව විද්යාලය තුළ දේශනයක් පැවැත්වීමට පසුගිය 31 දා ගිය අවස්ථාවේදී ඇය එල්.ටී.ටී.ඊ. සංවිධානය ෆැසිස්ට්වාදී සංවිධානයක් ලෙස හඳුන්වා ඇති නිසා ඇයට එම දේශනය පවත්වා ගෙන යාමට යාපනය විශ්ව විද්යාලයේ සිසුන් ඉඩ ලබා නොදීමේ සිද්ධිය නිසා නීතිඥවරිය එම ලිපිය යවා තිබේ.
මේ දේශනය නිසා ඇයට යාපනය විශ්වවිද්යාල සිසුන්ගෙන් තර්ජන පවා එල්ල වීම නිසා පැවැත්වීමට ගිය දේශනය නිසි ලෙස පවත්වා ගෙන යාමටද නොහැකි වී ඇත.
“අර්බුදකාරී අවස්ථාවලදී අධිකරණයේ ස්වාධීනත්වය” යන මැයෙන් එම දේශනය පැවැත්වීමට නියමිතව තිබුණි.
නමුත් එම දේශනය සාර්ථකව ඉදිරිපත් කිරීමට නොහැකිවීම තුළ යාපනය විශ්වවිද්යාලයේ දී අදහස් ප්රකාශ කිරීමට නොහැකි වන අන්දමේ බරපතල ප්රශ්නයක් ඇති බවත් ඊට වහාම උපකුලපතිවරයා මැදිහත්වී කටයුතු කළ යුතු බවත් තමන්ගේ මෙම ලිපියට අවධානය යොමු කරණ ලෙසත් ස්වස්තිකා අරුලාලිංගම් නීතිඥවරිය සිය ලිපිය මගින් ඉල්ලා ඇත.
