දිනසේන රතුගමගේ –
යාපනයේ ක්රියාත්මක කඩු කල්ලියේ මැරයින් විසින් පසුගිය වසර තුළ පුද්ගලයින් 13 දෙනෙකු කපා කොටා ඝාතනය කොට ඇති බව උතුරු පළාත් සෞඛ්ය සේවා අධ්යක්ෂ පී.සත්යමූර්ති සඳහන් කරයි.
මෙම කාලය ඇතුළත යාපනයේ පුද්ගලයින් 21 දෙනෙකු කඩු මැරයින්ගේ ප්රහාරවලට ලක් වීමෙන් තුවාල ලැබූ බවද එම තොරතුරු වල සදහන් වෙයි.
මේ අතර යාපනයේ ආරක්ෂක අංශ ප්රකාශ කළේ යාපනයේ ක්රියාත්මක කඩු කල්ලිය විසින් මේ අන්දමට යාපනයේ පුද්ගලයින්ව ඝාතනය කිරීම් හා තුවාල කිරීම් කළේ පෞද්ගලිකව ලබා ගත් කොන්ත්රාත් ඉටු කිරීමට හා කප්පම් ලබා ගැනීමේ අරමුණින් බවය.
කාලයක සිට යාපනයේ ක්රියාත්මක වන ආවා කල්ලිය වික්ටර් කල්ලිය බානු කල්ලිය ඇතුළු කල්ලි 13 කින් එකක කුළියට සේවය කළ පුද්ගලයින් එම කල්ලි දියාරූ වීමෙන් පසුව කඩු තනාගෙන යාපනයේ පුද්ගලයින් බිය වද්දමින් මුදල් දේපල කොල්ල කන්නට පටන් ගත් බවද මේ වන විට එම කඩු කල්ලි සියයට අසූවකින් පමණ මර්ධනය කොට ඇති බවද ආරක්ෂක අංශ පැවසීය.
කල්ලි වල විශාල පිරිසක් ආරක්ෂක අංශ වලට කොටු වී සිටින බවද තවත් පිරිසක් ආරක්ෂක අංශ මෙහෙයුම්වලට බියෙන් ඉන්දියාව ඇතුළු වෙනත් රටවල් කීපයකට පලා ගොස් ඇති බවද ආරක්ෂක අංශ සදහන් කළේය.
