මහනුවර රජපීල්ල මාවතේ දී විදේශීය ජාතිකයන් සහිත බස් රථයකට ගමන් කළ නොහැකි සේ මාර්ගය හරස් කර එම බස්රථයට තර්ජනය කරනු ලබන ත්රී වීල් මැරයෙක් නිසා එම විදේශීය ජාතිකයින් භීතියට පත්වන ආකාරය දැක්වෙන වීඩියෝවක් නිකුත් වී තිබේ.
ඊයේ (10) සවස සිදුවූ මෙම අශිෂ්ඨ ක්රියාවෙන් අනතුරුව අද උදෑසන මෙම මැරයා පොලිස් අත් අඩංගුවට පත් වී ඇත.
රටේ ප්රධාන විනියම උත්පාදන මාර්ගය ලස සංචාරක ව්යාපාරය ප්රවර්ධන කිරීම සඳහා දැඩි වෑයමක් සහිතව ජාතික ධනය වියදම් කරමින් රජය සැලසුම් කරද්දී මේ ආකාරයේ තුච්ඡ මැරයින්ගේ හැසිරීම සමස්ථ ජාතියටම දැවැන්ත ව්යසනයක් ඇති කරන ආකාරය මේ වීඩියෝවෙන්ම ප්රදර්ශනය වේ.
මෙම මැරයා සංචාරක බස් රථයේ රියදුරාට මරණීය තර්ජනය සහිතව පහර දීමට උත්සාහ කරනුයේ පටු මාවතේ ඔහු පැදවූ ත්රී රෝද රථයට ගමන් කිරීම සඳහා ඉඩ ලබා නුදුන් බව කියමිනි.
මෙවැනි ජඩ කම් සම්බන්ධව දැඩිව ක්රියා කිරීමට බල කළ යුතු කාලය එළඹ ඇති බව පොදු සමාජ මතය වී තිබේ.
