දිනසේන රතුගමගේ
මුහුදු ජලයෙන් පහන් දල්වන ලෝකයේ එකම කෝවිල ලෙස හැදින්වෙන මුලතිව් වට්ටාපලෙයි කන්නගි අම්මාන් කෝවිලේ වාර්ෂික පහන් දැල්වීමේ මංගල්ලය ඊයේ (14) ආරම්භ විය.
කෝවිලේ බාරකාර පූසාරීවරුන් ඉපැරණි සාම්ප්රදායට ගරු කරමින් අලුයම මුහුදට ගොස් මුහුදු ජලය ලබා ගැනීමට එදා සිටම භාවිත කරණ ස්ථානයෙන් මුහුදු ජලය ලබා ගෙන ඒවා හේවිසි හොරණෑ සහිත පෙරහැරකින් කෝවිල කරා රැගෙන එනු ලැබීය.
එම මුහුදු ජලය කෝවිලේ තබා ඇති විශේෂ මංජුසාවක දමා දෙවියන්ට බාර හාර වීමෙන් පසුව පහන් දැල්වීම පිණිස බැතිමතුන් අතර බෙදා දෙනු ලබයි.
පොල්තෙල් වෙණුවට පුරා මාසයක කාලයක් වට්ටාපලෙයි කන්නගි අම්මාන් කෝවිලේ සියලු දෙනාම පහන් දල්වනු ලබන්නේ මුහුදු ජලය උපයෝගී කරගෙනය.
වට්ටාපලෙයි මුහුදුදේ එම ස්ථානයේ ඇති ජලයේ යම් රසායන ද්රව්යක් අඩංගු නිසා ඒවා ගිණි දැල්වෙන ස්වභවයකින් යුතු බව විද්යාත්මකව විශ්වාස කරණු ලැබුවත් හින්දු ජනතාව දෙවියන්ගේ හාස්කමක් මත මුහුදු ජලයෙන් පහන් දැල්විය හැකි බව විශ්වාස කරණු ලබයි.
මේ සම්බන්ධයෙන් ගෙතුණු පුරා වෘත්ත කතා බොහොමයක් හින්දු සාහිත්යයේ හා ජනප්රවාද අතර දක්නට ලබෙන අතර මේ කෝවිලේ වාර්ෂිකව පහන් දල්වන මංගල්ල සමයට අති විශාල ජනකායක් පහන් දැල්වීම සදහා සහභාගී වෙති.
මෙසේ පැමිණෙන පිරිස් රාත්රියේ සිට අලුයම් කලය දක්වා කෝවිලේ රැදී සිටින නිසා කෝවිලේ එම කාලයට හින්දු නාට්ය නැටුම් හා විවිධ සංස්කෘතික අංගද සංවිධානය කරණු ලබයි.
පහන් දැල්වීමේ මංගල්ලය අවසන් වනුයේ ගුවනින් මල් ඉසීමේ පුරා එක් දින විශේෂ චාරිත්ර විධි කීපයක්ම ඉටු කිරීමෙන් පසුවය.
