නිමන්ති රණසිංහ
ජනශක්ති රක්ෂණ සමූහ ව්යාපාරයේ අධ්යක්ෂ දිනේෂ් ෂාෆ්ටර් ගේ මරණයට හේතුව ලෙසින් සඳහන් වන වෛද්ය වාර්තා පරස්පර වීරෝධී බවත් එහෙයින් ඒවා පිළිගත නොහැකි බවත් මරණකරුගේ පවුලේ ඥාතීන් වෙනුවෙන් අධිකරණයේ පෙනී සිටි ජනාධිපති නිතීඥ අනූජ ප්රේමරත්න කොළඹ අතිරේක මහේස්ත්රාත් රජීන්ද්රා ජයසූරිය ඉදිරියේ අද (09) ප්රකාශ කළේය.
මෙම මරණය සිදුවී දිනකට පසු එනම් දෙසැම්බර් මස 16 වැනිදා අධිකරණ වෛද්ය නිලධාරි රුහුල් හක් මරණය සම්බන්ධයෙන් වන කෙටි පශ්චාත් මරණ පරික්ෂණ වාර්තාව ඉදිරිපත් කරමින් සඳහන් කර ඇත්තේ, ‘තන්තුවකින් ගෙල සිර කිරීමෙන් ස්වසනය ඇණ හිට මරණය සිදුව ඇති බවයැයි ජනාධිපති නිතීඥ අනූජ ප්රේමරත්න අධිකරණයට දැනුම් දුන්නේය.
ඉන් අනතුරුව මරණයට හේතුව සදහන් සම්පූර්ණ පශ්චාත් මරණ පරික්ෂණ වාර්ථාව ඉදිරිපත් කරමින් අධිකරණ වෛද්ය නිලධාරී රුහුල් හක් ප්රකාශ කර ඇත්තේ, ‘තන්තුවකින් ගෙල සිර කර ගැනීමෙන් ස්වසනය ඇණ හිට මරණය සිදුව ඇති බව’ යන්න ජනාධිපති නිතීඥවරයා අධිකරණයට කරුණු ඉදිරිපත් කළේය.
ඒ අනුව අධිකරණ වෛද්ය නිලධාරිවරයාගේ සම්පූර්ණ පශ්චාත් මරණ පරික්ෂණ වාර්තාව සකස් කිරීමේදී මරණයට හේතුව වෙනස් වන බවත්, එහිදී ඔහු සඳහන් කර ඇත්තේ සයනයිඩ් වස කෑම සමග මිශ්ර වූ බවට ඔහු මතකයක් ප්රකාශ කර ඇති බවත්ය.
මෙම පශ්චාත් මරණ පරීක්ෂණ වාර්තාව ලබා දෙන අධිකරණ වෛද්ය නිලධාරි රුහුල් හක් වෙනත් හේතුවක් මත ඉකුත් දෙසැම්බර් මස 22 වැනිදා සිට මාස 08ක කාලයක් සඳහා වෛද්ය සභාව විසින් වෛද්ය වෘත්තියේ යෙදීම තහනම් කරනු ලැබූ අයෙක් බව ද ජනාධිපති නිතීඥවරයා අධිකරණයට දැනුම් දුන්නේය.
මෙම සිද්ධියට මහේස්ත්රාත් මරණ පරීක්ෂණ සාක්ෂි විභාගය අද (09) අධිකරණය හමුවේ යළි කැදවූ අවස්ථාවේදී මරණකරුගේ ඥාතීන් ගේ අයිතිවාසිකම් වෙනුවෙන් පෙනී සිටි ජනාධිපති නිතීඥවරයා මෙම කරුණු ඉදිරිපත් කළේය.
