දිනසේන රතුගමගේ –
රුපියල් කෝටි තුනකට වැඩි මුදලක් විදේශ රටකට නීති විරෝධීව යවා මුදල් විශුද්ධිකරණ ක්රියාවලියකට සම්බන්ධවීම පිළිබඳ චෝදනා ලද යාපනයේ දෙමළ දේශපාලන පක්ෂයක පාර්ලිමේන්තු මැතිවරණ අපේක්ෂකයෙක් ඊයේ (12) පොලිස් අත් අඩංගුවට පත් වී තිබේ.
මුදල් විශුද්ධිකරණ චෝදනා යටතේ මෙම අපේක්ෂකයා අත් අඩංගුවට ගෙන ඇත්තේ යාපනයේ චාවකච්චේරී ප්රදේශයේ පුද්ගලයෙකු කළ පැමිණිල්ලක් මතය.
පොලිස් ඇපයක් මත මහ මැතිවරණය අවසන් වන තුරු ඔහුව නිදහස් කරණ ලෙසට ඉල්ලීම් කීපයක්ම නීතිඥවරු මාර්ගයෙන්පො ලීසියට ලැබී ඇතත් ඔහුව යාපනය අධිකරණයට ඉදිරිපත් කිරීමට යාපනය පොලීසිය පියවර ගෙන තිබේ. මේ හේතුව නිසා මෙම අපේක්ෂකයාට ඡන්දය විමසන දිනය වන විටද නිදහසක් නොලැබෙන තත්ත්වයක් උද්ගත වී තිබේ.
දැනට පොලිස් අත් අඩංගුවට පත්ව පොලිස් කූඩුව සිටින එම අපේක්ෂකයා උතුරේ දෙමළ දේශපාලන පක්ෂයකින් යාපනයේ චාවාකච්චේරී ආසනය සදහා නාම යෝජනා ලබා දී ඇති අයෙකි.
