මියන්මාරයේ ක්රියාත්මත සන්ද්ධ කැරලා කණ්ඩායමක් වන නැටෝගි ගර්ල්ලා සංවිධානය එරට මැන්ඩලේ ප්රදේශයේ නැටෝගි නගරයේ චීනයේ මැදිහත්වීම් මැද ක්රියාත්මක වන තෙල් සහ ගෑස් නල පද්ධතියකට ආරක්ෂාව සැපයූ භට පිරිසකට ප්රහාරයක් එල්ල කර තිබේ.
නැටෝගි නගරයේ සිට කිලෝමීටර් 5ක් පමණ නැගෙනහිරින් මෙම නල පද්ධතිය පිහිටා ඇති අතර, ජුන්ටා සොල්දාදුවන් 20 දෙනෙකුගෙන් පමණ එහි ආරක්ෂාවට යොදා තිබූ බවට වාර්තාවේ. ඒ අනුව රාත්රී 8.30 ට පමණ කැරලි කණ්ඩායම් විසින් පාලන මධ්යස්ථානයට ප්රහාරයක් එල්ල කළ බව කැරලි කණ්ඩායමේ සාමාජිකයෙකු වන බෝ සෙයාර් පැවසීය.
“අපි පසුගියදා පාලන මධ්යස්ථානයට මිලිමීටර් 60 රොකට් තුනක් එල්ල කළා. රොකට් ගොඩනැගිල්ලට වැදුණා. ජුන්ටා සොල්දාදුවන් දෙදෙනෙකු මිය ගොස් තවත් පස් දෙනෙකු තුවාල ලැබූ බව අපට දැනගන්නට ලැබුණි, ”බෝ සෙයාර් පැවසීය. ඒ අනුව මෙම නල පද්ධතියට ගත වූ වසරක කාලය තුල දී එල්ල වූ දෙවන ප්රහාරය මෙය වන අතර එහි ප්රබලත්ව නිසි ලෙස තහවුරු කරගැනීමට හැකියාවක් නොපවතින බව මියන්මාර මාධ්ය වාර්තා අනාවරණය කරයි.
කිලෝමීටර් 973 ක දිගකින් යුත් මෙම නල මාර්ග මාග්වේ සහ මැන්ඩලේ ප්රදේශ හරහා සහ ෂාන් ප්රාන්තය හරහා චීනයේ යුනාන් පළාත දක්වා ගමන් කරයි.
මෙම ප්රහාරය එල්ල වී ඇත්තේ චීන විදේශ අමාත්යවරයා මියන්මාර ජුන්ටා ප්රධානියා සමඟ මෙම මස මුලදී හමුවීමෙන් පසුවය, එහිදී චීන නිලධාරියා මියන්මාරයේ ස්ථාවරත්වය පවත්වා ගැනීමට, ආර්ථිකය පුනර්ජීවනය කිරීමට සහ තිරසාර සංවර්ධනය සාක්ෂාත් කර ගැනීමට දරන උත්සාහයට සහාය ලබා දුන්නේය.
හමුදා කුමන්ත්රණයෙන් පසු මියන්මාර පාලන තන්ත්රයේ නායකත්වයට පැමිණි පළමු ඉහළ පෙළේ චීන රජයේ නිලධාරියා බවට චින විදේශ අමාත්යවරයා පත්විය. ජුන්ටාව සිය පාලනයට එරෙහි විරෝධය මර්දනය කිරීමේ දී මේ වන විට 3,400 කට වැඩි පිරිසක් ඝාතනය කර ඇත.
