මිනුවන්ගොඩ – කීර්ති ප්රනාන්ද
මිනුවන්ගොඩ යකහටුව බ්රැන්ඩික්ස් ආයතනයේ කොවිඩ් පොකුරෙන් මේ වනවිට හමු වී ඇති මුලු ආසාදියන් සංඛ්යාව 101ක් බව රජයේ ප්රවෘත්ති දෙපාර්තමේන්තුව මීට සුලු මොහොතකට පෙර නිවේදනය කළේය.
කාර්ය මණ්ඩලය 69ට අමතරව නිවාඩු ගොස් සිටින කුරුණෑගල, මොණරාගල, යාපනය හා මිනුවන්ගොඩ සාමාජිකයන් 09 දෙනෙක්, අලුතින් හඳුනාගත් මිනුවන්ගොඩ, කටාන සීදුව, දිවුලපිටිය, ජා ඇල, මීගරිගම,මහර ප්රදේශවල 23 දෙනෙක් ලෙස මේ ආසාදිතයන් 101 දෙනා හමුවී ඇත.
අද හවස් වනවිට ආයතනයේ 1400කගේ පමණ පී.සී,ආර්. පරීක්ෂණ කරනු ලැබුවේය. එම පිරිස නිරෝධායන මධ්යස්ථානවලට යොමු කිරීමේ කටයුතු ආයතන පරිශ්රය අසල සිට යුද හමුදාවේ මැදිහත් වීමෙන් සිදු කරනු ලබමින් ඇත.
ඊට අමතර ආයතනයේ සේවක පිරිස් අතරින් ඉතා සීඝ්රයෙන් උණ ඇතුළු කොවිඩ් රෝගී තත්වයන් වාර්තා වෙමින් තිබේ.
ප්රදේශයේ සියලුම ගිලන් රථ හා අවට ප්රදේශවලින් ගෙන්වා ගත් ගිලන් රථ යොදා ගෙන මෙම පිරිස් රෝහල් ගත කිරීමේ කටයුතු අඛණ්ඩව සිදුවෙමින් ඇත.
දැනට ගම්පහ, රාගම හා මීගමු රෝහල්වල ආසාදිතයන් වෙත ලබා දීමට ඇඳන් නොමැති බැවින් මේ පිරිස් ඉරණවිල හා මිනුවන්ගොඩ රෝහල් වෙත යොමු කරමින් සිටී.
රෝහල් ආරංචි මාර්ග පවසන ආකාරයට අද රාත්රී 10 පමණ වනවිට මිනුවන්ගොඩ රෝහලේ පමණක් කොවිඩ් ආසාදිතයන් 50ක් ප්රතිකාර ගනිමින් සටී.
