දිනසේන රතුගමගේ –
යාපනය නගරයට ආසන්නව තෙලිප්පලෙයි ප්රදේශයේ මිනිස් වාසයකට නුසුදූසු ස්ථානයක පවත්වා ගෙන ගිය ළමා නිවාසයක් පිළිබදව තොරතුරු වාර්තා වීමෙන් පසුව උතුරු පළාත් ළමා හා පරිවාස දෙපාර්තමේන්තුවේ නිලධාරීන් විසින් එම ළමා නිවාසය වටලා ඊයේ (15 ) දිනයේ එය වසා දමා ඇත.
එම ළමා නිවාසයේ ළමයින් 12 දෙනෙකු රඳවා ගෙන සිට ඇති අතර ඔවුන්ට ජලය වැසිකිලි පහසුකම් හෝ වෙනත් මූලික පහසුකම් කිසිවක් එම ළමා නිවාසයේ තිබී නොමැත.
දැඩි ලෙස අබලන් වූ එම නිවාසයේ දොර ජනෙල් පවා නිසි ලෙස නොතිබූ බව පරීක්ෂණ වලින් හෙළි වී තිබේ.
මීට පෙර යාපනයේ තෙලිප්පලෙයි ප්රදේශයේ පවත්වා ගෙන ගිය කාන්තා රැදවුම් මධ්යස්ථානයක් හා ළමා නිවාසයක් පිළිබඳව ලද තොරතුරු මත ආණ්ඩුකාරවරිය විසින් ඒවා වසා දැමීමට පියවර ගැනීමෙන් පසුව ළමා හා පරිවාස දෙපාර්තමේන්තුවේ නිලධාරීන් විසින් සිදු කළ වැටලීමකදී මෙම ළමා නිවාසය හමු වී ඇත.
එම ළමා නිවාසය පවත්වා ගෙන යාමට නිසි බලපත්රයක් හෝ අවසරයක්ද තිබී නොමැත.
ළමා නිවාසය වසා දැමීමෙන් පසුව එම ළමා නිවාසයේ සිටි ළමයින් 12 දෙනා යාපනයේ වෙනත් රජයේ ළමා නිවාස වෙත යොමු කොට එම ස්ථානය පවත්වා ගෙන ගිය පිරිසට එරෙහිව නීති මගින් කටයුතු කිරීමට පියවර ගෙන තිබේ.
