-
පොලිස් ආඥාපනතේ 78/1 බලතල ක්රියාත්මක නොකර මැයි 09 අපරාධයට ඉඩ හැරිය දේශබන්දු තෙන්නකෝන් එම වගන්තියටම මුවාවෙලා සාමකාමී උද්ඝෝෂණවලට පහර දෙනවා….
මැයි 09 සාමකාමී අරගලයට පහර දීමට ඉඩ හැර ස්වකීය වගකීම් පැහැර හැරීමෙන් රටටම බරපතල ව්යසනයක් සිදුකළ බවට ඡෝදනා කර බස්නාහිර පලාත්භාර ජ්යෙෂ්ඨ නියෝජ්ය පොලිස්පති දේශබන්දු තෙන්නකෝන්ට එරෙහිව පොලිස් ආඥා පනතය යටතේ ගොනුකළ පුද්ගලික පෙත්සම පිළිබඳ කරුණු සලකා බලා නියෝගයක් නිකුත් කිරීම දෙසැම්බර් 02 දා දක්වා කල් දමා තිබේ.
කොළඹ අලුත්කඩේ ප්රධාන මහේස්ත්රාත් අධිකරණයේ ඊයේ (14) එම නඩුව කැඳවීමෙන් අනතුරුව පෙත්සම්කරු වෙනුවෙන් පෙනී සිටි නීතිඥ අචලා සෙනවිතරත්න ප්රකාශ කළේ පසුගිය ජූනි මාසයේ දී දැමූ මෙම නඩුව විභාග කිරීම ආරම්භ කිරීමට මේ තරම් දුර දිනයක් බලාපොරොත්තු නොවුන බවය.
මේ වනවිටත් පෙත්සම්කරුට සහ පෙත්සම්කරු වෙනුවෙන් ඉදිරිපත්වන තමන්ට දැඩි බලපෑම් එල්ල වි ඇති බවත් ඇය කීවාය.
ප්රමාදවන යුක්තිය යනු යුක්තිය දියවී යෑම බව පැවසූ නීතිඥවරිය පුරවැසියෙක් ලෙස තමන් හිතන්නේ යුක්තිය ඉටුවීම ප්රමාදවීම සහ ඉන් වින්දිතයන් පත්වන අපහසුතාවය හේතුවෙන් නීතිය සම්බන්ධව සමාජයේ ඇති විශ්වාසය පළුදු වන බවය.
“මැයි 09 අරගලයට පහර දිමේ සිද්ධියට පසුව ඇති වූ සිද්ධි දාමයට සම්බන්ධ සියලුම පිරිස් හොයනවා. අත්අඩංගුවට ගන්නවා. බන්ධනාගාරගත කරනවා. පසුව ඇතිවන සාමකාමී විරෝධතා විසුරුවා හරිනවා. ඒ කියන්නෙ පොලිස් ආඥාපනතේ 78/1 වගන්තිය සක්රීයයි.“
අ“පි අධිකරණය ඉදිරියේ පෙත්සමක් ගොනුකරලා ඇහුවේ පොලිස් ආඥාපනතේ 78/1 වගන්තියෙ බලතල ගෝල්ෆේස් අරගලකරුවන්ට පහර දීමෙන් සිදුවුන මැයි 09 විනාශය වළක්වා ගැනීමට දේශබන්දු තෙන්නකෝන් පාවිච්චි කළේ නැත්තේ ඇයි කියලා. ඔහුට ඒ සඳහා පොලිස්පති උපදෙස් ලබා දී තිබුණා. ඔහු එය වළක්වන බවට අරගලකරුවන්ට පොරොන්දු ලබා දෙන වීඩියෝ සාක්ෂි තිබුණා. ඒත් ඒ අපරාධය වෙන්න ඉඩ හැරියා.
“ මැයි 09 අපරාධය වෙන්න ඉඩහැරපු දේශබන්දු තෙන්නකෝන්ට එරෙහිව කොටුව මහේස්ත්රාත් අධිකරණයේ නඩුවකුත් තියනවා. ඒත් ඔහුට තවමත් ස්ථාන මාරුවක් තරම් දෙයක් නෑ.“
එවැනි දේශබන්දු තෙන්නකෝන් පොලිස් ආඥා පනතේ 78/1 වගන්තිය ක්රියාත්මක නොකර මහා විනාශයක් වෙන්න ඉඩ හැරලා තවමත් ඔහුගේ පුටුවේ ඉඳඟෙන එම වගන්තියම භාවිතා කරමින් අදත් උද්ඝෝෂණ සාමකාමී විරෝධතා මර්ධනය කරනවා. මොකක්ද මේ වෙන්නේ…“
ඇය කීවේ පුරවැසියෙක් ලෙස නීතිය පසිඳලන ආයතනවලින් ඉල්ලා සිටින්නේ වින්දිතයින්ට යුක්තිය ඉටු කිරීම අප්රමාදව සිදුකරන ලෙසය
