2024 අයවැයෙන් ජනාධිපතිවරණය පැවැත්වීම සඳහා වෙන් කර ඇති රුපියල් බිලියන 10ක මුදලින් බිලියන 08ක් පමණක් වියදම් කිරීමට මැතිවරණ කොමිසම සැලසුම් කර ඇති බව වාර්තාවේ දැක්වේ.
කාර්ඩ්බෝඩ් ඡන්ද පෙට්ටි භාවිතා කිරීම, දේශීය සැපයුම්කරුවෙක් හරහා ඡන්ද දායකයන්ගේ ඇඟිලිවල තවරන නොමැකෙන තීන්ත සපයා ගැනීම, ප්රවාහන වියදම් කළමනාකරණය කරගැනීම, රාජ්ය ආයතනවලින් වාහන කුලියට ගැනීමේ දී හොඳ තත්ත්වයේ ඇති වාහන පමණක් භාර ගැනීම, ඇතුළු සියලු කටයුත්තක්ම ඉතාම සැලසුම් සහගතව සිදුකර වියදම් කළමනාකරණය කරගැනීමට මැතිවරණ කොමිසම ඉදිරිපත් වී ඇති බව එම මැතිවරණ කොමිසමේ ආරංචි මාර්ග හෙළි කරයි.
“රාජ්ය ආයතනවලින් වාහන කුලියට ගැනීමේදී අපි භාරගන්නේ හොඳ තත්ත්වයේ තිබෙන වාහන පමණයි. මැතිවරණ කාලේදී එහෙම නැත්නම් අපිට එයාලගේ අලුත්වැඩියාවට ගෙවන්න බැහැ. මීට පෙර විවිධ රාජ්ය ආයතන අපට අලුත්වැඩියා අවශ්ය වාහන එවනවා. ඉන්පසුව, අපේ වියදමින් ඒවා අලුත්වැඩියා කර මැතිවරණයට අදාළ රාජකාරි සඳහා භාවිතා කිරීමට අපට සිදු වෙනවා. අපි මේ වතාවේ එය කරන්නේ නැහැ, ” මැතිවරණ කොමිසමේ නිලධාරියෙක් ඩේලි මිරර් වෙත පවසා තිබිණි.
