මැතිවරණ නිති නින්දා සහගත ලෙස උල්ලංඝණය කරමින් මිනුවන්ගොඩ නගර මධ්යයේ සමගි ජන බලවේගය සහ රනිල් වික්රමසිංහ ජනාධිපතිවරයාගේ ස්වාධීන දේශපාලන කණ්ඩායම හැසිරෙමින් ඇති ආකාරය ඉහත දැක්වේ.
මේ සියලුම අනීතික කටයුතු සිදුවන්නේ මිනුවන්ගොඩ පොලිසිය ඇස් මායිමේ වීමත් මෙම මැතිවරණ නීති උල්ලංඝණයන් සඳහා ක්ෂණිකව නීතිය ක්රියාත්මක නොකිරීමත් සම්බන්ධව මිනුවන්ගොඩ පොලිසියට බරපතල චෝදනා එල්ල වෙමින් ඇත.
දෙනෝ දාහක් ඉදිරිපිට මිනුවන්ගොඩ නගර මධ්යයේ වටරවුම ඊයේ දිනයේ දී සජිත් ප්රේමදාසාගේ මැතිවරණ ප්රචාරක ධජ පතාකවලින් මුලුමනින්ම අවාරණය කර නගරය පුරාම පෝසටර් අලවා තිබිණි.
අපේක්ෂකයන්ගේ සලකුණු සහිත මුද්රිත ටී ෂර්ට්, කැප් පාවිච්චි කිරීම මැතිවරණ නීතියෙන්ම තහනම් කර තිබිය දී එම නීති සියල්ල උල්ලංඝණය කරමින් ජනාධිපති රනිල් වික්රමසිංහගේ මැතිවරණ ප්රචාරක කටයුතුවලට මුද්රිත ටී ෂර්ට් අන්දවා පිරිසක් නගරයට ඇතුළු කර තිබිණි.
එමෙන්ම ජාතික ධජය කිසිම මැතිවරණ ප්රචාරක කටයුත්තක් සඳහා භාවිතා කිරීම තහනම් කර තිබිය දී ජනාධිපති රනිල් වික්රමසිංහගේ නිවේදිත මැතිවරණ කාර්යාලවල ජාතික ධජ ප්රදර්ශන කර තිබිණි.
මේ සියලුම නීති විරෝධී ප්රකාශනයන් සම්බන්ධව මේ වනවිට මැතිවරණ කාර්යාලය දැනුම්වත් කර ඇතැයි මැතිවරණ නිරීක්ෂකයෝ පවසති.
