ෙපළාත් පාලන මැතිවරණයට අදාළව සිදුකෙරෙන සූදානම බලරහිත කිරීමේ නියෝගයක් නිකුත් කරන ලෙස ඉල්ලා විශ්රාමික ශ්රී ලංකා යුද හමුදා කර්නල් ඩබ්ලිව්.එම්.ආර්.විජේසුන්දර ගොනුකළ රිට් පෙත්සම ලබන 23 වැනිදා යළි කැඳවීමට ශ්රේෂ්ඨාධිකරණය අද තීරණය කර තිබේ.
ඒ, එම පෙත්සම අද (20) ශ්රේෂ්ඨාධිකරණ විනිසුරුවරුන්වන එස්.තුරෙයිරාජා සහ ශිරාන් ගුණරත්න හමුවේ කැදවූ අවස්ථාවේදී ය.
විශ්රාමික ශ්රී ලංකා යුද හමුදා කර්නල් ඩබ්ලිව්.එම්.ආර්. විජේසුන්දර ශ්රේෂ්ඨාධිකරණයට මෝසමක් ගොනුකරමින් ඉල්ලා සිටියේ මෙම රිට් අයදුම්පත පෙබරවාරි 23 වැනිදාට පෙර විභාගයට ගන්නා ලෙසය.
ජාතික මැතිවරණ කොමිෂන් සභාව වෙනුවෙන් පෙනී සිටි ජනාධිපති නීතීඥ සාලිය පීරිස් අධිකරණයට කරුණු දක්වමින් කියා සිටියේ තැපැල් ඡන්දය සැලසුම් කළ පරිදි පෙබරවාරි 23 වැනිදා සිදු නොවන බැවින් එම නඩුව කලින් නියමිත පරිදි එදිනට කැඳවිය හැකි බවය.
පෙත්සම්කාර පාර්ශ්වයෙන් සහ අතරමැදියන්ගෙන් කිසිදු විරෝධතාවක් මතු නොවූ බැවින්, මෙම පෙත්සම 2023 පෙබරවාරි 23 වැනි දින කැඳවීමට නියම වූයේය.
