මාතර – උදය –
මාතර දිස්ත්රික්කයේ සෞඛ්ය වෛද්ය බල ප්රදේශය තුළ ඇන්ටිජන් පරීක්ෂණ කට්ටල නොමැති වීමෙන් ආසාදිත යැයි සැකකෙරෙන පුද්ගලයන් හඳුනා ගැනීමට නොහැකිව සෞඛ්ය අංශ බරපතළ ගැටලුවකට මුහුණ දී තිබේ .
කොරෝනා වෛරසය වැලඳී ඇතැයි අනුමාන කරමින් බොහෝ දෙනෙකු පරීක්ෂණ කර තහවුරු කර ගැනීමටත් ප්රතිකාර ලබා ගැනීම වෙනුවෙනුත් මාතර සෞඛ්ය මධ්යස්ථාන කිහිපයකටම දෛනිකව පැමිණියත් අද මෙම පරීක්ෂණ උපකරණ කට්ටල නොමැති වීමෙන් ඔවුන්ට නැවතත් පරීක්ෂණ රහිතව නිවෙස් බලා යාමට සිදු වී ඇත.
මේ හේතුවෙන් පොදු ප්රවාහන භාවිත කිරීම නිසා වෛරසය පැතිරීමේ දැඩි අවදානමකට ලක්ව ඇති බව මහජන සෞඛ්ය පරීක්ෂකවරු කියති .
මෙම තත්ත්වය තවදුරටත් පැවතිය හොත් වසංගත තත්ත්වය මාතරින් පාලනය කර ගැනීම කිසිසේත්ම කළ නොහැකි බව සෞඛ්ය අංශ නිලධාරීන් පෙන්වා දෙයි.
එහෙත් පෞද්ගලික රෝහල්වල අධික මිල ගණන් යටතේ ඇන්ටිජින් පරීක්ෂණ සිදුකරන බවත් එම ස්ථානවල එම උපකරණ ඕනෑ තරම් ප්රමාණයක් තිබෙන බවටත් ජනතාව චෝදනා කරන අතර සාමාන්ය අසරණ ජනතාවට විශාල මුදල් ප්රමාණයක් වැය කර පෞද්ගලික රෝහල්වලට යාමට අවස්ථාවක් නොමැති බවත් පරීක්ෂණ කර ගැනීමට පැමිණි රෝගී ජනතාව මැසිවිලි නගති.
