රටේ බොහෝමයක් ප්රදේශවලට මේ වනවිට තද වැසිය. රට අවට මුහුදු ප්රදේශ ආශ්රිතව වර්ධනය වෙමින් පවතින පෙර-මෝසම් කාලගුණික ලක්ෂණ හේතුවෙන් වැසි සහ සුළං තත්ත්වයේ වැඩිවීමක් අද පමණක් නොව ඉදිරි දින කිහිපයේදීම බලාපොරොත්තුවන බව කාලගුණ විද්යා දෙපාර්තමේන්තුව පවසයි.
මේ වනවිට දිවයිනේ බොහෝ ප්රදේශවල අහස වළාකුලින් බරවය. සමහර ප්රදේශවලට උදෑසන සිටම තද වැසිය. බස්නාහිර, සබරගමුව, මධ්යම, වයඹ සහ දකුණු පළාත්වලත් මන්නාරම දිස්ත්රික්කයේත් විටින් විට වැසි හෝ ගිගුරුම් සහිත වැසි ඇතිවන බව කාලගුණ විද්යා දෙපාර්තමේන්තුව කීවේය.
බස්නාහිර, සබරගමුව, වයඹ පළාත්වලත් ගාල්ල, මාතර, මහනුවර සහ නුවරඑළිය දිස්ත්රික්කවලත් ඇතැම් ස්ථානවල මි.මී. 100 ට වැඩිතද වැසි ඇතිවිය හැක.
සාමාන්ය තත්ත්වයට වඩා වැඩි වැසි…
සාමාන්යය තත්ත්වයට වඩා වැඩි වර්ෂාපතනයක් මේ නිරිතදිග මෝසම් සමයේදී (ජුනි – සැප්තැම්බර් ) ශ්රී ලංකාව ඇතුළුව දකුණු ආසියාවේ බොහෝ ප්රදේශවලට බලපානු ඇති බව කාලගුණ විද්යාඥයන්ගේ මතය ය.
නිරිතදිග මෝසම යනු දකුණු ආසියානු කලාපයේ ප්රාණය රක්ෂා කරන ස්වභාවික දායාදයකි. ශ්රී ලංකාව ඇතුළුව දකුණු ආසියානු කලාපයේ කෘෂි ආර්ථිකය රඳා පවතින්නේ නිරිතදිග මෝසම් වර්ෂාව මතය.
ශ්රී ලංකාව සහ ගිනිකොනදිග ඉන්දියාව හැර කලාපයේ බොහෝ ප්රදේශවලට වාර්ෂික වර්ෂාපතනයෙන් 75-90% දක්වා ලැබෙන්නේ නිරිතදිග මෝසමෙනි.
ශ්රී ලංකාවේ ජල විදුලිබලාගාර ආශ්රිත ජලපෝෂක ප්රදේශවලට වැඩි වර්ෂාපතනයක් ලැබෙන්නේ ද නිරිතදිග මෝසම් වර්ෂාවෙනි.
කෙසේ වෙතත් බලාපොරොතුත්වන වැඩිමනත් වර්ෂාපතනය රට තුළ ස්වභාවික ව්යසනයක තත්ත්වයක් ඇති කිරීම සම්බන්ධව ඉඟි කර තිබේ. මැයි ජූලි අතර කාලය තුළ කොළඹ ගම්පහ, කෑගල්ල, මහනුවර, නුවරඑළිය,බදුල්ල, මොණරාගල, රත්නපුර, කළුතර, ගාල්ල, මාතර සහ හම්බන්තොට දිස්ත්රික්කවලට වැඩි වාර්ෂාපතනයක් අපේක්ෂා කරයි.
කාලගුණ විද්යාඥයන් පවතින තත්ත්වය සංක්ෂිප්තව පුරෝකථනය කර ඇති ආකාරය බීබීසිය මෙසේ වාර්තා කර ඇත.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
- මැයි මාසයේ අකුණු අනතුරු ඇතිවිය හැකිය.
- ජුනි මාසයේ සිට වැසි තත්ත්වයේ වැඩිවීමක් සිදුවේ.
- නාය යෑම් සහ කණ්ඩි කඩාවැටීමේ අවදානමක් තිබේ.
- වායුගෝලයේ පීඩන සහ අවපීඩන ඇතිවීමට අවදානමක් තිබේ.
- මැයි, ජුනි මාසවල ගංවතුර හා නායයෑම් අවදානම් ඇතිවිය හැකිය.
- ජලයේ ගසාගෙන යාම් සහ දියේ ගිලීම් නිසා ඇතිවන අනතුරු ඉහළ යා හැකිය.
