සිදුවී ඇත්තේ මුළු රටම හෙල්ලුම් කෑ සිද්ධියක් බවත් මේ පිරිස වහාම අත් අඩංගුවට ගෙන ඉදිරි කටයුතු කිරීමට නොහැකි වුවහොත් එය පොලිස් දෙපාර්තමේන්තුවටත් විශාල ලජ්ජාවක් වනු ඇති බවත් කඩුවෙල වැඩ බලන මහොස්ත්රාත් පී.ජි.පි කරුණාරත්න අද පොලිසියට දැනුම් දුන්නේය.
මහේස්ත්රාත්වරයා මේ බව ප්රකාශ කළේ අද (08) කඩුවෙල ටැටු කලාව පවත්වාගෙන යෑම සඳහා විවෘත කළ රූප ලාවන්යාගාරයක් විවෘත කිරීමට පැමිණි ක්ලබ් වසන්ත හෙවත් සුරෙන්ද්ර වසන්ත පෙරේරා සහ අතුරුගිරිය රතුවිලවත්ත පදිංචි නයන වාසල විජේසුරිය (37) යන දෙදෙනාට වෙඩි තබා ඝාතනය කර ජනප්රිය ගායිකා කේ. සුජීවා ඇතුළු තවත් පුද්ගලයින් සිවු දෙනෙකුට බරපතල තුවාල සිදුකළ ඝාතන සිද්ධියේ ස්ථානීය පරීක්ෂණයට පැමිණි අවස්ථාවේ දී ය.
එහිදී වැඩබලන මහේස්ත්රාත්වරයා මෙසේ පොලිසියට පැවසුවේය.
“මුළු රටම හෙල්ලුම්කාපු සිද්ධියක් මේක. වහාම අත් අඩංගුවට අරන් කටයුතු කරන්න. නැතිනම් පොලිස් දෙපාර්තමේන්තුවටත් ලැජ්ජයි.”
“මෙච්චර මහ දවල් ඇවිත් වෙඩි තියලා යනවා. චිකාගෝ වගේ. ඉක්මනටම හොයන්න ඕන මේ ගැන. මේක ඉතාම භානයක සිද්ධියක්. ජනතාව කිසි කෙනෙකුට ආරක්ෂාවක් නෑ මෙහෙම. පොලිසියට කිලෝ මීටරයක් විතර දුරින් මේ වෙන්නේ… ආවා… තිබ්බා ගියා.”
වැඩ බලන මහේස්ත්රාත්වරයා පොලිසියට දැනුම් දුන්නේය.
සුරේන්ද්ර වසන්ත පෙරේරා මෙම ස්ථානයට පැමිණියේ උදෑසන 9.48ට යෙදී තිබුණ නැකතකට මෙම රූපලාවන්යාගාරය විවෘත කිරීම සඳහා ප්රධාන ආරාධිත අමුත්තා ලෙසය. කේ.සුජීවා ද පැමිණ තිබුණේ ඒ ආරාධිතයෙක් වශයෙනි.
වෙඩි වැදීමෙන් හය දෙනෙක් තුවාල ලැබූ අතර ඉන් සිවු දෙනෙක් රැගෙන ගියේ හෝමාගම මූලික රෝහලටය. දෙදෙනෙක් අතුරුගිරිය ප්රාථමික රෝහලට ඇතුළත් කිරීමෙන් අනතුරුව කේ. සුජීවා සහ තවත් කාන්තාවක් කොළඹ ජාතික රෝහල වෙත මාරු කර යවා තිබිණි.
මිය ගිය සුරෙන්ද්ර වසන්ත පෙරේරා සහ නයන වාසල විජේසුරිය යන දෙදෙනාත්, සුරෙන්ද්ර වසන්ත පෙරේරාගේ බිරියවන මැණික් විජේවර්ධන සහ යොමාන කෞෂණී නම් තවත් කාන්තාවක් හෝමාගම රෝහලටත් ඇතුළු කර තිබිණි. කාන්තාවන් දෙදෙනා තුවාල සහිතව ප්රතිකාර ගනිමින් පසුවේ.
