මහා ජන හඬ නමින් නම් කර ඇති විපක්ෂයේ ජන රැළිය පැවැත්වෙන අද (21) දිනයේ දී එක්සත් ජාතික පක්ෂ නායක හිටපු ජනාධිපති රනිල් වික්රමසිංහ කටුනායක ගුවන්තොටුපොළෙන් ඉන්දියාවේ චෙන්නායි බලා පිටත්ව ගොස් තිබේ. උදෑසන 8.40ට යූ.එල්- 121 දරන ගුවන් යානයෙන් ඔහු චෙන්නායි නුවර බලා පිටත්ව ගොස් ඇත්තේ මෛත්රි වික්රමසිංහ ද සමගිනි.
එක්සත් ජාතික පක්ෂයේ නියෝජ්ය නායක රුවන් විජේවර්ධන, නවීන් දිසානායක ඇතුළු නායකයින් මෙම අවස්ථාවට එක් වන්නේ නැත.
එක්සත් ජාතික පක්ෂය වෙනුවෙන් හරීන් ප්රනාන්දු මෙම රැළියට සහභාගී වීමට නියමිතය.
මේ වනවට වාර්තාවන තොරතුරු අනුව හිටපු ජනාධිපති මහින්ද රාජපක්ෂ ද රැළියට සහභාගීවීම සැක සහිතය. ඔහුගේ සෞඛ්ය තත්ත්වය මත වෛද්ය උපදෙස් අනුව මෙම රැළියට එක්වීමට බොහෝ විට සිදුනොවනු ඇතැයි වාර්තා වේ.
