ශ්රි ලංකා පොදුජන පෙරමුණ, එක්සත් ජාතික පක්ෂය, ශ්රි ලංකා නිදහස් පක්ෂය, පිවිතුරු හෙළ උරුමය, ශ්රි ලංකා පොදුජන පෙරමුණ, ශ්රි ලංකා මහජන පක්ෂය , ජනතා සේවක පක්ෂය, නව ජනතා පෙරමුණ යන පක්ෂ ඇතුලු විපක්ෂය නියෝජනය කරන දේශපාලන සංවිධාන ගණනාවක් අද 21 හවල් 02.00 ට නුගේගොඩ මිරිහාන පොලිස් වසමේ නුගේගොඩ ආනන්ද සමරකෝන් එළිමහන් රංගපීඨයේදී පැවැත්වීමට සුදානම් කර ඇති මහා ජන හඬ නැමැති රැළිය පැවැත්වෙන්නේ උසස් පෙළ විභාගය පැවැත්වෙන විභාග මධ්යස්ථාන ගණනාවක් අවට බැවින් ශබ්ද විකාශන යන්ත්ර භාවිතය පිළිබඳව කොන්දේසි පැනවීමට පොලිසිය කටයුතු කර තිබේ.
ඊට හේතුව වී ඇත්තේ මහජන රැළිය පවත්වන ස්ථානයට යාබදව මේ දිනවල අධ්යාපන පොදු සහතික පත්ර (උසස්පෙළ) විභාගය පැවැත්වෙන විභාග මධ්යස්ථාන පිහිටා තිබීම හේතුවෙන්, ශබ්ද විකාශන යන්ත්ර භාවිතය මගින් විභාග සඳහා පෙනී සිටින සිසුන්ට බාධාවක් සිදුවිය හැකි බවය.
උසස් පෙළ විභාගය අද දින උදෑසන 08.30 සිට 11.40 දක්වාත්, සවස 02.00 සිට 05.00 දක්වාත් පැවැත්වීමට නියමිතය.
මෙම පරිශ්රය තුළ පමණක් ශබ්ද විකාශනය යන්ත්ර භාවිතා කරන ලෙසත් බලපත්ර කොන්දේසි අනුව කටයුතු කරන ලෙසත් ශ්රී ලංකා පොලිසිය බපත්ර ඉල්ලුම්කරුවන් වෙත පොලිසිය දන්වා තිබේ.
එම නිවේදනය පහත දැක්වේ.
