කීර්ති ප්රනාන්දු –
-
රජයේ කාබනික ප්රතිපත්තිය විවේචනය කරලා..
-
සීඅයිසී පොහොර සමාගමේ අධ්යක්ෂකවරයෙක් ලෙස කලින් කටයුුතු කරලා…
-
විපරිසර හිතකාමී කෘෂිකර්මාන්තය විවේචනය කරමින්, ඊට එරෙහිව විශ්ව විද්යාල ප්රජාව, ප්රජා සංවිධාන හා සාමාන්ය ජනතාව පෙළ ගැස්වෙන ආකාරයේ ප්රකාශ සිද්ධ කරලා…
ජාතික කෘෂිකර්ම ප්රතිපත්ති සම්පාදන කමිටුවේ සාමාජික ධුරයෙන් ද, කෘෂි නව්යකරණ ව්යාපෘතියේ මෙහෙයුම් කමිටුවේ සාමාජික ධුරයෙන් හා කුඩා ව්යාපාර කෘෂි සහභාගීත්ව වැඩසටහනේ උපදේශක ධුරයෙන් යන සියලු තනතුරුවලින් පේරාදෙණිය විශ්ව විද්යාලයේ කෘෂි විද්යා පීඨයේ මහාචාර්ය බුද්ධි මාරඹේ වහාම ක්රියාත්මක වන පරිදි ඉවත් කිරීමට කෘෂිකර්ම අමාත්ය මහින්දානන්ද අලුත්ගමගේ කෘෂිකර්ම අමාත්යාංශයේ ලේකම් ජ්යෙෂ්ඨ මහාචාර්ය උදිත් ජයසිංහ ට උපදෙස් ලබා දී තිබේ.
මහාචාර්ය මාරඹේ රසායනික පොහොර ආනයනය කරන සමාගමක් වන CIC හෝල්ඩින් සමාගමේ අධ්යක්ෂවරයෙකු ලෙස වසර ගණනාවක් කටයුතු කර ඇති අතර, ඉකුත් රජය ග්ලයිපෝසේට් ආනයනය නතර කිරීමට එරෙහිව නායකත්වය ගෙන විවිධ වැඩසටහන් ක්රියාත්මක කළ බවට ද චෝදනා එල්ල වී තිබුණු බව කෘෂිකර්ම අමාත්යාංශ මාධ්ය අංශය කියයි.
මේ අතර වත්මන් රජය ප්රතිපත්තිමය තීන්දුවක් මත ක්රියාත්මක කරන පරිසර හිතකාමී කෘෂිකර්මාන්තය විවේචනය කරමින්, ඊට එරෙහිව විශ්ව විද්යාල ප්රජාව, ප්රජා සංවිධාන හා සාමාන්ය ජනතාව පෙළ ගැස්වෙන ආකාරයේ ප්රකාශන සිදු කිරීම සම්බන්ධයෙන් ද මහාචාර්ය මාරඹේ ට එරෙහිව චෝදනා එල්ල වී ඇතැයි අමාත්යාංශය නිවේදනය කරයි.
මීට අමතරව රාජ්ය අමාත්යාංශ කිහිපයක විවිධ තනතුරු දරමින් රජයේ ප්රතිපත්ති විවේචනය කිරීම සම්බන්ධයෙන් ද රජයේ අවධානය ඔහු කෙරෙහි යොමු වී ඇතැයි එම නිවේදනයේ දැක්වේ.
මේ අනුව කෘෂිකර්ම අමාත්යාංශය හා ඒ යටතේ ඇති ආයතනවල මහාචාර්ය මාරඹේ දරන තනතුරු සියල්ලෙන් ඔහුව ඉවත් කිරීමට කෘෂිකර්ම අමාත්යවරයා පියවර ගෙන ඇතැයි මාධ්ය නිවේදනය සඳහන් කරයි.
එම නිවේදනය පහත දැක්වේ
