මේ වනවිට ලක්ෂ සංඛ්යාත ජනතාවක් මහනුවර දළදා මාළිගාව අවට කිලෝ මීටර ගණනාවක භූමියේ අත් හැර ඇති දරාගත නොහැකි කසල කන්ද ඉවත් කිරීම සඳහා ශ්රම දායකත්වය සැපයීමට එක්වන්නැයි මහනුවර දළදා මාළිගාව අවට ඇති ග්රාමසේවා වසම් 40ක පරිසර කමිටුවලට එක්වන්නැයි මහනුවර මහ නගර සභාව ඉල්ලා සිටී.
මහනුවර මහ නගර සභාවේ ජල අපජල ඝණ අපද්රව්ය කළමණාකරණය පිළිබඳ ඒකකයේ ප්රධාන ඉංජිනේරු නාමල් දිසානායක පෙන්වා දෙන්නේ මේ වනවිට පැය 24 පුරාම සේවයේ යෙදෙන නගරසභා ශ්රමිකයින් 142 දෙනාට මේ ඇති වී තිබෙන තත්ත්වය දරාගත නොහැකි බවය.
අද (25) දිනයේ පෙරවරු 10 වනවිට ගොහාගොඩ කසල අංගනයට බැහැර කළ ඊයේ දිනයේ දී එකතු කළ කසල ප්රමාණය පමණක් ටොන් 305ක් බව ද ඔහු හෙළි කළේය. ඒ මිශ්ර කසල ටොන් 212ක්, පොලිතිනී ටොන් 56ක්, ඉඳුල් ටොන් 35ක් ලෙසය.
කටුගස්තොට සිට නුවර, නුවර සිට අම්පිටිය සහ ඒ අවට ප්රධාන පාරවල් පමණක් නොව අතුරුපාරවල් ඇතුළු මාර්ග රැසක් මේ වනවිට මහජනතාවට ප්රවේශ විය නොහැකි තරම් විශාල කුණු ගොඩක් බවට පත් වී ඇතැයි නගරසභා ආරංචි මාර්ග කියයි.
මේ මානව ව්යසනය යථාවත් කිරීම සඳහා මේ මහජන සහයෝගය දැඩි ලෙස අවශ්ය වි ඇති මොහතෙක් නිර්මාණය වී ඇතැයි මහනුවර මහ නගර සභාව අවධාරණය කරයි.
