මනම්පිටිය නිමල් ජයරත්න –
පොලොන්නරුව, ජලගැලීම් නිම්න ජාතික වනෝද්යානයට අයත් මනම්පිටිය මහවැලි ගඟේ, පවිත්රාගාරය පිහිටි ප්රදේශයෙන් පරිසරයට හානි වන පරිදි දේශපාලන හිතවතුන්ට සහ පිටස්තර ව්යාපාරිකයන් පිරිසකට වැලිමංකඩ විසිහයක් ලබාදීම සඳහා භූමි පරීක්ෂණයට පැමිණි භූ විද්යා පතල් කැණීම් කාර්යාංශයේ නිලධාරීන් පිරිසක් ඇතුළු වනජීවී නිලධාරීන්, පරිසර අධිකාරියේ නිලධාරීන්, පිරිසකට අද ( 19) දහවල් මනම්පිටිය වැලි මංකඩලාභීන්, වැලි ගොඩදමන කම්කරුවන් සහ ටිපර් රථ රියදුරන් ඇතුළු ප්රදේශවාසී පිරිසක් එල්ල කළ දැඩි විරෝධය හමුවේ ඔවුන්ට හිස් අතින් යාමට සිදුවිය.
මනම්පිටිය මහවැලි ගඟේ ජල පවිත්රාගාරය පිහිටි ප්රදේශයේ පිටස්තර මහා පරිමාණ ව්යාපාරිකයින් පිරිසකට සහ දේශපාලන හිතවතුන්ට මෙම වැලිමංකඩ ලබාදීමට භූ විද්ය හා පතල් කැණීම් කාර්යාංශය සැලසුම් කර තිබිණි.
එම වැලිමංකඩ ලබාදීමේදී වන අලින් වන සතුන්ගේ ජීවිත වලට විශාල තර්ජනයකට මුහුණ දීමට සිදුවන බවත්, එම ප්රදේශයේ වැලිමංකඩ ලබාදීමට කටයුතු කළහොත් වියලි කාලයන්හිදී පොළොන්නරුව රෝහල ඇතුළු පොළොන්නරුව ප්රදේශයේ පවුල් විසිපන්දහකට උග්ර පානීය ජල හිඟයකට මුහුණ පෑමට සිදුවන බවත් විරෝධතාකරුවන් මෙහිදී සඳහන් කළහ.
මීට පෙර අවස්ථා කිහිපයකදීම මනම්පිටිය ජල පවිත්රාගාරය පිහිටි ප්රදේශයේ වැලිමංකඩ බෙදා දීමට අදාළ බලධාරීන් සැලසුම් කර තිබියදී ඒ පිළිබඳ මාධ්ය මගින් හෙළිදරව් කිරීමත් සමඟ අනීතකව ලබාදීමට යන වැලිමංකඩ අකුලා ගැනීමට සිදුවූ බව විරෝධතාකරුවෝ කීහ.
මේ ප්රදේශයෙන් කිසිදු අයකට වැලිමංකඩ ලබාදීමට ඉඩ නොදෙන ලෙස වත්මන් පරිසර අමාත්යවරයාගෙන් ඉල්ලා සිටින බව මනම්පිටිය වැලිමංකඩ හිමියන් සහ පරිසරවේදීන් මෙන්ම මහා සංඝරත්නය ද එක්ව ඉල්ලා සිටිති.
මනම්පිටිය මහවැලි ගඟේ පහළ ප්රදේශයේ වැලිමංකඩ විසිහයක් ලබාදෙන බවට සඳහන් කරමින් භූ විද්ය සමීක්ෂණ හා පතල් අංශයේ පොළොන්නරුව කැණීම් ඉංජිනේරු එච්. ඒ. සී. කේ. ඩබ්ලිව්. බණ්ඩාර අදාල ආයතන දැනුවත් කර මංකඩලාභීන්ගේ නම් වෙනුවට සඳහන් කර ඇත්තේ පෞද්ගලික වැලි සමාගමක් බවද එය පිටුපස විශාල කුමන්ත්රයක් සහ අබිරහසක් තිබෙන බවද වැලි මංකඩ ලාභීහු සඳහන් කරති.
ජලගලුම් නිම්න ජාතික වනෝද්යානයේ සැරිසරන වන අලින් වන සතුන්ට තර්ජනයක් වන අයුරින් සහ පොළොන්නරුව මහ රෝහලේ රෝගීන් මෙන්ම පොළොන්නරුව නවනගරය, කදුරුවෙල ඇතුළු ප්රදේශවල පවුල් විසිපන්දහකට උග්ර පානීය ජල අර්බුදයක් ඇතිකරමින් මහවැලි ගඟේ ජල පවිත්රාගාරය පිහිටා ඇති ප්රදේශයෙන් වැලිමංකඩ තවදුරටත් ලබාදීමට අදාල බලධාරීන් කටයුතු කළහොත් ඊට විශාල අරගලයක් ක්රියාත්මක කරන බවද වැලිමංකඩලාභීන් සහ වැලිකම්කරුවන් මෙන්ම පරිසරවේදීහු සඳහන් කරති.
අප මේ පිළිබඳව භූ විද්ය හා පතල් කිරීම් කාර්යාංශයේ කොළඹ කාර්යාලයේ මාධ්ය සම්බන්ධීකාරක සුජිත් කෝනාරගෙන් දුරකථනයෙන් කළ විමසීමකදි සඳහන් කළේ එම ප්රදේශයෙන් වැලිමංකඩ විසිහයක් ලබා දීමට සූදානම් කර ඇත්තේ තමන්කඩුව සහ දිඹුලාගල ප්රදේශවල පදිංචි අයවලුන්ට බවය.
