මනම්පිටිය – නිමල් ජයරත්න –
පොළොන්නරුව මනම්පිටිය පොලිස් වසමට අයත් ශ්රි ලංකා සුභාරංචි දේව මධ්යස්ථානයට අද (18) රාත්රි 7.30 ට පමණ් වෙඩි ප්රහාරයක් එල්ල කර ඇති බව මනම්පිටිය පොලිසිය කියයි.
එම වෙඩි ප්රහාරයෙන් කිසිවකුටත් හානියක් සිදුව නොමැති අතර දේව මධ්යස්ථානයේ වීදුරුවලට අලාභ හානි සිදුව ඇති බවද පොලිසිය පවසයි.
එම වෙඩි ප්රහාරය එල්ල වන විට දේව මධ්යස්ථානයේ පාස්ටර්වරයා නොසිට ඇති අතර ඔහුගේ භාර්යාව විසින් සවස තිස්පස්දෙනෙකුට පමණ දේව මෙහෙයක් සිදුකර ඇති බවද පොලිසිය සඳහන් කරයි.
මෙම දේවස්ථානයට වෙඩි තැබීම පෞද්ගලික ආරවුලක ප්රතිඵලයක්ද යන්න පොලිසිය සැක පල කරයි.
මෙම වෙඩි ප්රහාරය කවුරුන් විසින් කරන ලද්දක්ද යන්න මෙතෙක් තොරතුරු අනාවරණය වී නොමැත. සිද්ධිය සම්බන්ධ පොළොන්නරුව ජ්යෙෂ්ඨ පොලිස් අධිකාරී නිශාන් ද සිල්වාගේ මෙහෙයවීමෙන් වැලිකන්ද ප්රදේශය භාර සහකාර පොලිස් අධිකාරී එම්. එස්.එම්. ජරූල්ගේ මැදිහත්වීමෙන් මනම්පිටිය පොලිස් ස්ථානාධිපති පොලිස් පරීක්ෂක අසේල සරත් කුමාර පරීක්ෂණ පවත්වන අතර ඒ සඳහා යුද හමුදාවත්, අරලගංවිල විශේෂ කාර්ය බළකා කඳවුරත් එක්වී සිටිති. 
