මධ්යම අධිවේගී මාර්ගයේ ඉදිකිරිම් ප්රමාදවන සෑම දිනයක් පසාම රුපියල් දෙකෝටි තිස් ලක්ෂයක පාඩුවක් රටට සිදුවන බව රවාහන, මහාමාර්ග, වරාය සහ සිවිල් ගුවන් සේවා අමාත්ය බිමල් රත්නායක අද හෙළි කළේය.
ඔහු මේ බව ප්රකාශ කරන්නේ අද මධ්යම අධිවේගී මාර්ගයේ නව ඉදිකිරීම් සම්බන්ධව සිදුකරන නිරීක්ෂණ චාරිකාවකට එක් වෙමිනි.
එහිදී බිමල් රත්නායක ඇමතිවරයා මෙසේ ද පැවසුවේය.
“මධ්යම අධිවේගී මාර්ගයේ තියන ලොකුම ප්රශ්නය කඩවත සිට මිරිගම දක්වා කොටස ඉදිකරගන්න බැරිව තියන එක. ඒක ආර්ථික අර්බුදය සහ වෙනත් හේතු නිසා පහු වෙලා තියනවා. අපට දැනට එම කොටස කල් දැමීම නිසා රුපියල් බිලියන 46ක් ගෙවන්න වෙලා තියනවා බැංකු පොලිය, ඒ වගේම කල් දැමීම නිසා සමාගමට ගෙවිය යුතු යම් යම් වන්දි.
එකතු වෙනවා.”
“ව්යාපෘතියට ණය දීලා කටයුතු කළේ චීන බැංකුවකින් සහ චීන සමාගමකින්. ඔවුන් ලඟදි ලංකාවට පැමිණිලා මුදල් අමාත්යාංශය සමග සාකච්ඡාවක් කළා. තවම ඔවුන් සියයට සීයක් හරියටම ඉදිරිපත් කරලා නෑ මේ ණය මුදල නැවත ලබා දීලා මේ ඉදිකිරීම් කටයුතු කවද්ද ආරම්භ කරන්නේ කියන නිශ්චිත අදහස.”
“මම දුටුවා ලංකාවේ ප්රධාන පෙළේ ඉදිකිරිම් සමාගම් කියලා තියනවා ඔවුන් ලෑස්තියි කියලා මේක කරන්න. යන්ත්ර සූත්ර ගෙනත් සේවක කාර්ය මණ්ඩලයන් බඳවාගෙන ලංකාවේ කම්පැණිවලට කරන්න ගියත් සැලකිය යුතු කාලයක් ගත වෙනවා. ”
“ඉතින් මම අදත් චීන තානාපති තුමාට කතා කරලා දැනුම් දුන්නා. එතුමලාගේ ස්ථාවරය අපට කියන්න කියලා. මොකද මේ ව්යාපෘතිය තව පරක්කු කරන්න බෑ ලංකාවට.
ලංකාව පරක්කු කරන හැම දවසකටම කෝටි දෙකකට වඩා වැඩි පොලියක් එකතු වෙනවා. මිලියන් 23ක පොලියක් එකතු වෙනවා. ”
“ඇත්තටම මේවා පරණ පවු තමයි. නමුත් දැන් අපි ආණ්ඩුවක්. අපි මේක විසඳන්න ඕන. ” ඇමතිවරයා කීවේය.
