ජනාධිපති නිකොලස් මධුරෝ අල්ලා ගැනීම සඳහා සෙනසුරාදා (3) සිදු කළ වැටලීමට එරෙහිව ඇමරිකානු හමුදා සමඟ පැවති සටනේදී වෙනිසියුලාවේ පදිංචි කියුබානු සොල්දාදුවන් 32 දෙනෙකු මිය ගිය බව කියුබානු රජය නිවේදනය කර ඇත.
වෙනිසියුලානු නිලධාරීන් උපුටා දක්වමින් විදෙස් මාධ්ය පවසන්නේ වෙනිසියුලානු සොල්දාදුවන් සහ සිවිල් වැසියන් 80 කට වැඩි පිරිසක්මි ප්රහාරයෙන් මිය ගිය බවය.
“එක්සත් ජනපද රජය විසින් සිදු කරන ලද සාපරාධී ප්රහාරයේ ප්රතිඵලයක් ලෙස කියුබානුවන් 32 දෙනෙකුට ජීවිත අහිමි විය. ඔවුන් දකුණු ඇමරිකානු රටේ ( වෙනිසියුලාවේ) සගයන්ගේ ඉල්ලීම පරිදි, විප්ලවවාදී සන්නද්ධ හමුදා සහ අභ්යන්තර කටයුතු අමාත්යාංශය වෙනුවෙන් සේවය කරමින් සිටියේය. වෙනිසියුලාව වෙනුවෙන් ඇමරිකානු මෙහෙයුමට එරෙහිව සටන්වලදී ඔවුන්ගේ ජිවිත අහිමි වී ඇත.
කියුබානු රජය ඉරිදා සවස දේශීය වේලාවෙන් සිය නිල ෆේස්බුක් පිටුවේ පැවසීය.
මියගිය අයට ගෞරව කිරීම සඳහා කියුබාව ජනවාරි 5 සහ 6 යන දිනවල දින දෙකක ශෝක කාලයක් ප්රකාශයට පත් කර ඇත. අවමංගල්ය කටයුතු ඉදිරියේ දී නිවේදනය කිරීමට නියමිතය.
කියුබානු ජනාධිපති මිගෙල් ඩයස් කැනෙල් සෙනසුරාදා X හි සටහනක් තබමින් එක්සත් ජනපදයේ ක්රියාවන් හෙළා දුටුවේය.
වෙනිසියුලාව මත එක්සත් ජනපදය එල්ල කළ සාපරාධී ප්රහාරයට එරෙහිව ජාත්යන්තර ප්රජාවෙන් හදිසි ප්රතිචාරයක් ඉල්ලා සිටින බව කියුබානු ජනාධිපතිවරයා පැවසුවේය. “නිර්භීත වෙනිසියුලානු ජනතාවට සහ අපගේ ඇමරිකාවට එරෙහිව රාජ්ය ත්රස්තවාදය.”
“ මව්බිම නැතිනම් මරණය! අපි ජය ගන්නෙමු!” එම සටහනේ දක්වා තිබිණි.
https://x.com/DiazCanelB/status/2007359344829141372
