හිටපු අමාත්ය ජොන්ස්ටන් ප්රනාන්දු පොලිස් මූල්ය අපරාධ විමර්ශන කොට්ඨාශයට (FCID) පැමිණ තිබේ. ඒ ලංකා සතොස ලොරියක් අවභාවිතා කළ බවට එල්ල වන චෝදනා සම්බන්ධයෙන් මේ වනවිට සිදුකරමින් ඇති විමර්ශනවලට අදාලවය.
ලංකා සතොස ලොරියක් අවභාවිත කර සිය එතනෝල් සමාගමේ සේවයට යෙදවීමෙන් රජයට මූල්යමය පාඩුවක් සිදු කළ බවට චෝදනා එල්ල වන සිද්ධියක් සම්බන්ධයෙන් ජොන්ස්ටන් ප්රනාන්දු අත්අඩංගුවට ගැනීම සඳහා පොලිසිය පරීක්ෂණයක් ආරම්භ කර තිබිණි. ඔහුව සොයා ගත නොහැකි බවද පොලිසිය පැවසුවේය.
අද (05) ජොන්ස්ටන් ප්රනාන්දු පොලිස් මූල්ය අපරාධ විමර්ශන කොට්ඨාසය වෙත පැමිණ ඇත්තේ අද එම කොට්ඨාසය හමුවේ පෙනී සිටින ලෙස දැනුම අනුවය.
ජොන්සටන් ප්රනාන්දු සමුපකාර හා අභ්යන්තර වෙළඳ අමාත්ය ධුරය දැරූ සමයේ ලංකා සතොස හි ප්රවාහන කළමනාකරු ලෙස සේවය කළ ඉන්දික රත්නමලල ද එම සිද්ධිය සම්බන්ධයෙන් ඊයේ (04) අත්අඩංගුව ගැනීමෙන් පසු ලබන 09 වැනිදා දක්වා රක්ෂිත බන්ධනාගාරගත කෙරිනි. ඒ ව්යාජ ලේඛන සදා සතොස රාජකාරිවල වාහනය යොදවන බව පෙන්වමින් ජොන්ස්ටන් ප්රනාන්දුගේ අරක්කු කොම්පැණියේ වැඩ සඳහා ලොරි රථය මුදා හැර කූඨ ලේඛන සකස් කිරිම හේතුවෙනි.
මේ වනවිට ජොන්සටන් ප්රනාන්දුගේ පුත් ජොහාන් ප්රනාන්දු ද ඉන්නේ රක්ෂිත බන්ධනාගාරගතවය. ලොරි රථය මුදවා හැර තිබුනේ එම ව්යාපාර කටයුතු පරිපාලනය කරන ජොහාන් ප්රනාන්දු වෙතය.
