මං මළේ නෑ … ගැබ්ගෙළ පිළිකා ගැන ලෝක අවධානය යොමු කළා… මළා කී පූනම් පාණ්ඩේ කතා කර කියයි!

නිරූපිකාවක් සහ රියැලිටි රූපවාහිනී තරුවක් වන පූනම් පාණ්ඩේ තමන් මිය ගොස් නැති බවත් තමන් ගැබ් ගෙල පිළිකාවක් හේතුවෙන් මිය ගිය බව ප්‍රකාශ කරනු ලැබුවේ ගැබ් ගෙල පිළිකා සම්බන්ධව ජනතා අවධානය යොමුකිරීමේ අභිලාෂයෙන් බවත් අද දහවල් ප්‍රකාශ කරමින් සමාජ මාධ්‍ය සටහනක් තබා තිබිණි.

ඉන්ස්ටග්‍රෑම් හි  ඇය සිය නිවේදනය පළ කළේ  පූනම් පාණ්ඩේ  ගැබ්ගෙල පිළිකාවක් හේතුවෙන් මිය ගිය බව ඇයගේ  කළමනාකරු ප්‍රකාශ කිරීමෙන් දිනකට පසුවය.

“මම ජීවතුන් අතර ඉන්නවා. මම ගැබ්ගෙල පිළිකාවෙන් මැරුණේ නැහැ. අවාසනාවකට ගැබ්ගෙල පිළිකාව නිසා ජීවිත අහිමි වූ සිය දහස් ගණනක් කාන්තාවන් ගැන ඉන්නවා”

“මෙම කඳුළු ඇතිවීමට මට කණගාටුයි, මා නිසා රිදුණු  අය ගැන මට කණගාටුයි. මගේ අභිප්‍රාය  අපි ප්‍රමාණවත් ලෙස කතා නොකරන – ගැබ්ගෙල පිළිකාව ගැන කතා කිරීමට අවශ්‍ය පසුබිම සකස් කිරීම  සියලු දෙනා කම්පනයට පත් කිරීමයි,” ඇය තවත් සමාජ මාධ්‍ය සටහනක කියා තිබුණාය.

ඇය කීවේ ඇයගේ “මරණය” පිළිබඳ සටහන ගැබ්ගෙල පිළිකාව පිළිබඳ සංවාදයක් ආරම්භ කිරීමට සහ දැනුවත් කිරීම සඳහා වූ උත්සාහයක් බව ය.

“අනෙකුත් පිළිකා මෙන් නොව ගැබ්ගෙල පිළිකාව සම්පූර්ණයෙන්ම වළක්වා ගත හැකියි. ප්‍රධානතම දෙය වන්නේ HPV එන්නත සහ කලින් හඳුනාගැනීමේ පරීක්ෂණ වලය. මෙම රෝගය නිසා කිසිවකුගේ ජීවිතය අහිමි නොවන බව සහතික කිරීමට අපට ක්‍රම තිබේ,” ඇය  කීවේ ඇය එවැනි ක්‍රමයක් අනුගමනය කරමින් සමාජය දැනුම්වත් කළ බවය.

කෙසේ වෙතත්  රෝගය පිළිබඳව දැනුවත් කිරීම සඳහා “ඇගේ මරණය ව්‍යාජ ලෙස ප්‍රකාශ කිරීම” සම්බන්ධයෙන්   සමාජ මාධ්‍ය භාවිතා කරන්නන් විසින්  පූනම් පාණ්ඩේ දැඩි ලෙස විවේචනයට ලක් කරමින් ඇත.

ඊයේ දිනයේදී පූනම් පාණ්ඩේගේ කණ්ඩායම ප්‍රකාශයක් නිකුත් කර තිබුණේ නිරූපිකාව ගැබ්ගෙල පිළිකාවක් හේතුවෙන් මිය ගිය බවය. මෙම නිවේදනය විනෝදාස්වාද ක්ෂේත්‍රයේ සියලු දෙනා කම්පනයට පත් කර තිබුණි. දින තුනකට පෙර ගෝවා හි පැවති උත්සවයකදී බොහෝ දෙනෙක් නිරූපිකාව දැක ඇති බැවින් ඇයගේ මරණය සම්බන්ධ ප්‍රවෘත්තිය ගැන බොහෝ දෙනෙක් අවිශ්වාසය පලකරමින් සිටියහ.

පූනම් පාණ්ඩේ සමාජය තුළ කථිකාවට ලක්වන්නේ අමුතු ආකාරයටය. දැනට 32 හැවිරිදි පූනම්    20 හැවිරිදි වියේ  පසුවෙද්දී    2011 ලෝක කුසලාන ක්‍රිකට් තරඟාවලියේදී ඉන්දීය කණ්ඩායම ජයග්‍රහණය කළහොත් තමන් ඇඳුම් ගලවා නිරුවත් වන බව පවසමින් වීඩියෝ පණිවිඩයක් පළ කළාය. ඒ සමගම   ඇය ප්‍රසිද්ධියට පත් විය. ඉන්දියාව ලෝක කුසලානය ජයග්‍රහණය කළ පසු ඇය ඇඳුම් ගැලවීමට සූදානම් වුව ද ඊට බරපතල විරෝධයක් මතුවිය. පසු කලෙක ඇය වෙන්කඩේ ක්‍රීඩාංගනය පසුබිමේ රාත්‍රි කාලයේ ඇයගේ නිරුවත් දර්ශනයක් සමාජ මාධ්‍ය ඔස්සේ පල කර තිබිණි.

ඇගේ ප්‍රියතම කණ්ඩායම වන කොල්කටා නයිට් රයිඩර්ස් ඊළඟ වසරේ IPL ජයග්‍රහණය කරන විටත් ඇය සිය නිරුවත් ඡායාරූපයක් පළ කළාය. නිරුවත් චිත්‍රපට රූගත කිරිම් සඳහා එක්වීම සම්බන්ධව ඇය අත් අඩංගුවට පත් වූවාය. ඒ 2020 වසරෙදී ය.

වසර ගණනාවක් පුරා, ඇය ඇගේ මතභේදාත්මක ප්‍රකාශ සමඟ සමාජ මාධ්‍ය තුළ අවස්ථා ගණනක දි සංවාදයට ලක් වූවාය.