අගමැති දිනේෂ් ගුණවර්ධනගේ නායකත්වයෙන් යුත් මහජන එක්සත් පෙරමුණ ජනාධිපතිවරණයේදී ජනාධිපති රනිල් වික්රමසිංහට සහය දැක්වීමට තීරණය කර ඇත.
පක්ෂයේ මධ්යම කාරක සභාව මෙම තීරණය ගෙන තිබේ.
දිනේෂ් ගුණවර්ධන අගමැතිවරයා අවසන් මොහොත වනතෙක් රනිල් වික්රමසිංහ පාර්ශවයට හා එක්වන්නේ ද, එසේත් නැතිනම් මහින්ද රාජපක්ෂ පාර්ශවයට සහාය පල කරන්නේ ද යන්න පිළිබඳ දෙගිඩියාවෙන් පසු වී තිබිණි.
දිනේෂ් ගුණවර්ධනලාගේ සමාජ වාදී යැයි ප්රකාශිත කඳවුර විසින් ඉතාම නිර්දය ලෙස විවේචනයට ලක් කළ දේශපාලන කඳවුරේ ඉලක්ක ගත දේශපාලකයා වූයේ රනිල් වික්රමසිංහ ය.
එහෙත් අවසානයේ දි පොදුජන පෙරමුණ සහ ඔහුට බලය සාධනය කළ මහින්ද රාජපක්ෂ කඳවුර අතහැර අන්ත දක්ෂිනාංශික ලිබරල් පාලකයෙක් බවට ඔවුන් විසින්ම හඳුන්වා දුන් රනිල් වික්රමසිංහට සහාය පලකිරීමට මහජන එක්සත් පෙරමුණ ගත් තීන්දුව ඉතිහාසයේ ගත් එවැනි මුල්ම තීන්දුව සේ සැලකේ.
