ශ්රියානි විජේසිංහ –
කොළඹ ජාතික රෝහලේ නියෝජ්ය අධ්යක්ෂ රුක්ෂාන් බෙල්ලනගේ ක්රියා කලාපයට විරෝධය පල කරමින් රෝහලේ කනිෂ්ඨ කාර්ය මණ්ඩල සේවකයෙකු ජාතික රෝහලේ බන්ඩාරණායක ගොඩනැගිල්ලේ වහළ මතට නැගී උපවාසයක් ආරම් කර තිබේ.
නියෝජ්ය අධ්යක්ෂ වෛද්ය රුක්ෂාන් බෙල්ලන විසින් කණිෂ්ඨ කාර්ය මණ්ඩල සේවකයෙකු අත්තනෝමතික ලෙස රෝහල් අභ්යන්තර ස්ථානමාරුවක් ලබා දුන්නේ යැයි පවසමින් ඊට විරෝධය පළ කිරීමට මෙම සේවකයා ගොඩනැගිල්ලේ ඉහළ මහලය වෙත නැග ඇතැයි වාර්තාවේ. මේ දැක්වෙන්නේ සේවකයා වහළ මතට නැගී විරෝධතාවය පවත්වන අයුරුය.
;
පසුගිය කාලයේදී වෛද්ය බෙල්ලනට විරුද්ධව මාධ්ය වෙත මොහු අදහස් ප්රකාශ කර ඇති බැවින් එයට පළි ගැනීමක් ලෙස මෙම අභ්යන්තර මාරුව සිදුකර ඇති බවද පවසන උපවාසකරුවා සේවකයින්ගෙන් පළි ගැනීම දිගින් දිගටම සිදුකරනු ඇති බවට තමා විශ්වාස කරන්නේ යැයි පවසයි.
බැවින් නියෝජ්ය අධ්යක්ෂ රුක්ෂාන් බෙල්ලන වහාම ජාතික රෝහලෙන් ඉවත් කල යුතු බව ඔහු තරයේ ප්රකාශ කරන බවද වාර්තාවේ.
මෙම සේවකයාගේ ස්ථානමාරුව නැවත නිවැරදි කළ හැකි බව ජාතික රෝහලේ අධ්යක්ෂවරයා විසින් දැනුම් දී ඇතත් නියෝජ්ය අධ්යක්ෂවරයාව ඉවත් කිරිමට රෝහල් ප්රධානියා ලෙස තමාට හැකියාවක් නොමැති බව ද උපවාසයේ නිරත සේවකයාට දැනුම් දී ඇතැයිද වාර්තාවේ.
