ලලිත් චාමින්ද –
අයහපත් කාලගුණික තත්වය හේතුවෙන් ගාල්ල දිස්ත්රික්කයේ පවුල් 276කට අයත් පුද්ගලයින් 1207 දෙනෙකු විපතට පත්ව ඇති බැව් ගාල්ල දිස්ත්රික් ලේකම් ශාන්ත විරසිංහ පවසයි
ආපදාතත්වය හේතුවෙන් පුර්ණ වශයෙන් නිවාස තුනකට සහ අර්ධ වශයෙන් නිවාස 199කට හානිවි ඇති බවද දිස්ත්රික් ලේකම්වරයා සදහන් කළේය.
ඇල්පිටිය ප්රදේශයේ නිවසක් සම්පුරණයෙන්ම හානියට පත්ව ඇති බවද සදහන් කළ දිස්ත්රික් ලේකම්වරයා ආපදාතත්වය හේතුවෙන් දැඩි බලපැමක් එල්ලවි ඇත්තේ යක්කලමුල්ල හා බද්දේගම යන ප්රදේශිය ලේකම් කොට්ඨාශවලට බවද පවසයි.
නාය යාමේ අවදානම හේතුවෙන් යක්කලමුල්ල ප්රාදේශිය ලේකම් කොට්ඨාසයට අයත් වෙළෙන්දාව ග්රාම නිලධාරි වසමේ දැඩි අවදානම් තත්වයේ පසුවු පවුල් 06ක් ඉවත් කිරිමට කටයුතු කළ බවත් තවත් පවුල් 14ක් ස්වෙච්ඡාවෙන්ම ඉවත්වු බවත් දිස්ත්රික් ලේකම්වරයා පවසයි.
එම පවුල්වල අය සදහා පිසු ආහාර හා වියලි ආහාර ලබාදිමට කටයුතු කරඇති බවද හෙතෙම සදහන් කළේය. මේ වනවිට ගාල්ල දිස්ත්රික්කයේ යක්කලමුල්ල, ඉමදුව, ගාල්ලකඩවත්සතර, නාගොඩ, ඇල්පිටිය, යන ප්රාදේශිය ලේකම්කොට්ඨාස සදහා නාය යාමේ අනතුරු නිවේදන නිකුත්කොට ඇති බව පවසන ගාල්ල දිස්ත්රික් ලේකම්වරයා හානිවු නිවෙස්වල නිවෙස් හිමියන් සඳහා අත්තිකාරම් මුදලක් වශයෙන් පළමුව රුපියල් දසදහසක මුදලක් ලබාදෙන බවද පවසයි.
මේ වනවිට නෙළුව තවලම ප්රදේශවල ජලය බැසයමින් පවතින බව සදහන් කළ දිස්ත්රික් ලේකම්වරයා ගිංගග පහළ නිම්නයට අයත් බද්දේගම ප්රදේශයේ ජල මට්ටම වැඩිවි ඇති බවද වැඩිදුරටත් සදහන් කළේය.
ගිංගගේ ජල මට්ටම වැඩිවිමත් සමග මේ වන විට බද්දේගම ප්රදේශයට මහා ගංවතුර තත්වයක් ඇතිවි තිබෙන බැව් ගිංගග වාරිමාර්ග ඉංජිනේ රු පියුමිද සිල්වා මහත්මිය සදහන් කළාය.
අද (08) උදෑසන වනවිට ගිංගගේ බද්දේගම ජල මාපකයේ ජල මට්ටම මිටර් 5.15 දක්වා වැඩිවි ඇති බවත් මෙය මහා ගංවතුර තත්වයක් බවත් වාරිමාර්ග ඉංජිනේරුවරිය සදහන් කළාය.
ගිංගග ඉහත්තාවේ බද්දේගම තවලම ජලමාපකයේ ජල මට්ටම මිටර් 3.04 දක්වා අඩුවි ඇති බවත් බද්දේගම ප්රදේශයේ පහත්බිම් හා ගිංගඟ අනාරක්ෂිත කලාපය ජලයෙන් යටවි ඇති බවත් වාරිමාර්ග ඉංජිනේරුවරිය සදහන් කළාය.
කෙසේවුවද ගිංගඟ ආරක්ෂිත කලාපයට කිසිදු බලපැමක් වි නොමැති බව පවසන ගිංගග වාරිමාර්ග ඉංජිනේරුවරිය ගිංගග ව්යාපෘතියේ පොම්පාගාර මගින් වැඩි ජලය ඉවත් කිරීමට කටයුතු කර ඇති බවද සඳහන් කළාය.
මේ වනවිට ගිංගග පහළ නිම්නයට අයත් ඕපාත, හෝළුවාගොඩ, ගනේගම, යන ගම්මාන සදහා යාමට ඇති මාර්ග ජලයෙන් යටවි ඇත. නාගොඩ බද්දේගම ප්රධාන මාර්ගයේ ස්ථාන කිහිපයක් ජලයෙන් යවවිම නිසා බස්රථ ධාවනය ඇනහිට ඇත.
උනන්විටිය ප්ර දේශය ද ජලයෙන් යටවි ඇත. ගංවතුර තත්වයත් සමග ගිංගග පහළ නිම්නයට අයත් ඕපාත, හෝළුවාගොඩ, මිපාවල, බාස්වත්ත , කුරුන්ද, යන ප්රදේශවල අස්වැන්න නෙලිමට තිබු වි වගාබිම් හා කොරටු වගාවන් සම්පුරණයෙන්ම ජලයෙන් යටවි ඇති අතර මෙම තත්වය නිසා ගොවිජනතාව දැඩි අසරණ තත්වයට පත්ව ඇත.
