ආර්ථිකයේ අයිතිය ජනතාවට හිමිවන, ජනතා කේන්ද්රීය ජාතික ආර්ථිකයක් ගොඩනැගීම අරමුණු කොට ගෙන මෙවර රාජ්ය අමාත්යාංශ ව්යුහය සකස් කළ බව ජනාධිපති ගෝඨාභය රාජපක්ෂ මහතා පවසයි.
රාජ්ය අමාත්යාංශ විෂය පථය සමාලෝචනය ආරම්භ කරමින් ඊයේ (17) පස්වරුවේ ජනාධිපති කාර්යාලයේ පැවති සාකච්ඡාවේදී ජනාධිපතිවරයා මේ බව සඳහන් කළේය.
බතික්, අත්යන්ත්ර රෙදි සහ දේශීය ඇඟළුම් නිෂ්පාදනය විෂය කොට ගත්රා ජ්ය අමාත්යාංශය පිළිබඳව මුලින්ම සාකච්ඡාවට ගැනුණු අතර එහිදී එම අමාත්යංශය නිර්මාණය කිරීමට හේතු ජනාධිපතිවරයා විසින් පැහැදිළි කරනු ලැබ ඇත.
කොවිඩ් 19ත් සමග දැඩි අර්බුදයකට මුහුණ පා ඇති සෙසු රටවල් යථා තත්ත්වයට පත් වන තෙක් දේශීය ආර්ථිකය දියුණු නොකර ඉදිරියට යා නොහැකි බව ජනාධිපතිවරයා පැවසීය.
ඇඟළුම් කර්මාන්තය රටේ සමස්ත අපනයනයෙන් 43%ක් නියෝජනය කරන අතර අපනයන ආදායමට වාර්ෂිකව ඉන් එක්කරන මුදල ඇමරිකානු ඩොලර් බිලියන 05ක් පමණ වේ. රැකියා සැපයීමේ දී සහ ප්රාදේශීය සංවර්ධනයේ දී ඇඟළුම් කර්මාන්තය පුරෝගාමී මෙහෙවරක් ඉටු කරයි. එය ශක්තිමත් කරමින් බතික් සහ අත්යන්ත්ර රෙදි හා දේශීය ඇඟළුම් නිෂ්පාදනය දියුණු කිරීම රජයේ ප්රධාන අරමුණක් බව ජනාධිපතිවරයා කීය.
බතික් සහ අත්යන්ත්ර කර්මාන්තය නඟාසිටුවිමට සියලු අංශ ආවරණය කෙරෙන සැලැස්මක් සකස් කරන ලෙසද ජනාධිපතිවරයා උපදෙස් දුන් අතර එය සාර්ථක කර ගැනීමෙන් ඉදිරි පස් වසර තුළ ඇගළුම් නිෂ්පාදකයන්ට ඉහළ ස්ථාවරත්වයක් අත්කරගත හැකි බව රාජපක්ෂ මහතා පැවසීය.
“සළු සළ” වැනි ආයතන මගින් බතික් සහ අත්යන්ත්ර රෙදි පිළි නිෂ්පාදකයාට වෙළෙඳ පොළක් සකසා දිය හැකි බවද ජනාධිපතිවරයා පෙන්වා දුන්නේය.
කර්මාන්ත අමාත්ය විමල් වීරවංශ, රාජ්ය අමාත්ය දයාසිරි ජයසේකර, ජනාධිපති ලේකම් පී.බී. ජයසුන්දර, භණ්ඩාගාර ලේකම් එස්.ආර්. ආටිගල යන මහත්වරු හා බතික්, අත්යන්ත්ර රෙදි සහ දේශීය ඇඟළුම් කර්මාන්තය ආශ්රිත ආයතන ප්රධානීහු සහ ව්යවසායකයෝ සාකච්ඡාවට එක්ව සිටියහ.