කුරුණෑගල , රිදීගම බුලුවල ප්රදේශයේ ජල මූලාශ්රය ක් හා සම්බන්ධ ගැටලුවක් විසඳීමට පැමිණි හිටපු පාර්ලිමේන්තු මන්ත්රී සාලින්ද දිසානායක ගේ බිරිය වූ පාර්ලිමේන්තු මන්ත්රීනී මංජුලා දිසානායක ට අද දහවල් එම ප්රදේශයේ ජනතාව හූ කියා පළවා හළ පුවතක් වාර්තා වේ.
රිදීගම ගෝනමඩ ගමේ ඉදිකිරීමට නියමිත ජල ව්යාපෘතියක් සම්බන්ධව පැන නැගී ඇති ගැටලුවක් පිළිබඳව සාකච්ඡා කිරීම සඳහා අද උදෑසන රිදිගම ප්රාදේශීය සංවර්ධන කමිටුවේ සභාපති පොහොට්ටු මන්ත්රී මන්ත්රී මංජුල දිසානායකගේ ප්රධානත්වයෙන් ගම්මුන් සහ බලධාරීන් ගේ සහභාගීත්වය ඇතිව රදීගම බුලුවල සෑ ලෙන රාජමහා විහාරස්ථානයේදී සාකච්ඡාවක් සංවිධානය කර තිබී ඇත.
එම සාකච්ඡාව සඳහා රිදීගම ප්රාදේශීය සංවර්ධන කමිටුවේ සභාපති පාර්ලිමේන්තු මන්ත්රී මංජුලා දිසානායක , රිදිගම ප්රාදේශීය ලේකම්, වෙලගෙදර පොලීසියේ ස්ථානාධිපතිවරයා සහ ප්රදේශයේ ස්වාමීන් වහන්සේලා ප්රමුඛ ප්රදේශවාසීන් එක් වී සිට තිබේ.
ගෝනමඩ ගමෙහි ඇති ජල මූලාශ්රයක් යොදාගෙන රන්තැටිකන්ද ප්රදේශයේ නිවාස සදහා පානීය ජල ව්යාපෘතියක් ආරම්භ කිරීමට 2018 වසරේදී සැලසුම් කර තිබිණි.
නමුත් ගෝනමඩ ප්රදේශවාසීන් පවසන්නේ තම ගමෙහි ඇති මෙම ජල මූලාශ්රය වෙනත් ප්රදේශයකට ජලය ලබා දීමට යොදාගත හොත් බුලුවල කන්ද , බුලුවල ,ඇටිපොල, කන්දේපොල, කොස්ගොල්ලේපොල, තුබාන ඇතුලු ගම්මාන10කට පමණ ජලය නොමැති වීමේ අවදානමක් පවතින බවයි.
එසේම මෙම ව්යාපෘතිය සිදු කළහොත් ගෝනමඩ ප්රදේශයේ සිට ගලා බසින ස්වාභාවික ඇල මාර්ග සහ ඇල්ලේවල වැව සිදී යෑම නිසා කුඹුරු අක්කර දහසකට පමණ ජලය ලබා ගැනීම ද ගැටලුවක් වන බවයි ප්රදේශවාසීන් මෙහිදී ප්රකාශ කර සිටියේය.
මෙහිදී බුලුවල කන්ද ශ්රී දේවසිංහාරාමයේ විහාරාධිපති හිමියන්වන කැටවල සුමේධ හිමි ද පවසා සිටියේ මෙම ව්යාපෘතිය නිසා බුලුවල කන්දේ ජනතාවට ජලය නොමැති වුව හොත් ප්රදේශය අතහැර යෑමට සිදුවිය හැකි බවත් මෙවැනි ව්යාපෘති නිසා ඇතැම් ප්රදේශවල සිදුව ඇති විපත් ද මාධ්ය ඔස්සේ දක්නට ලැබෙන බවත් මේ සියල්ල සදහා සාධාරණයක් ඉටු කර දෙන ලෙසත්ය.
පසුව පාර්ලිමේන්තු මන්ත්රී මන්ජුලා දිසානායක ප්රකාශ කර සිටියේ මේ ගැටලුව සම්බන්ධයෙන් ජලසම්පාදන මණ්ඩලය හරහා තාක්ෂණික පරීක්ෂණයක් සිදු කර තීරණයක් ලබාදෙන බවත් දෙපාර්ශවයටම ජලය අවශ්ය බවත්ය.
එහිදී ප්රදේශවාසීන්ගේ දැඩි විරෝධතාවයක් මන්ත්රීවරිය වෙත යොමුවිය. ප්රදේශවාසීන්ගේ දැඩි විරෝධය හමුවේ ඇය එම ස්ථානයෙන් නැගිට ඉවත්ව ගිය අතර එහෙදී ප්රදේශවාසීන් විසින් ඇයට හූ කියමින් විරෝධතාවය පල කළේය.
පසුව ප්රදේශවාසීන් ද එම ස්ථානයෙන් ඉවත්ව ගිය අතර පාර්ලිමේන්තු මන්ත්රීවරිය මාධ්ය වෙත ප්රකාශ කර සිටියේ රජයක් විදිහට රටේ ජනතාවගේ යහපත වෙනුවෙන් තීන්දු තීරණ ගන්නා නමුත් ආණ්ඩුව අපහසුතාවයට පත් කිරීම සඳහා උසිගන්වන මිනිස්සුන්ට තමන් බය වෙන්නේ නැති බවය.
සමාජ මාධ්යය සිද්ධිය වාර්තා කර තිබුණේ මෙසේය. නිරෝෂන් ජයතිස්ස තමන්ගේ එෆ්බී ගිනුමෙහි මේ සිද්ධිය පල කර තිබිණි.
