“ගෝටා ඕන“ බව කියන උද්ඝෝෂණයක් පොදුජන පෙරමුණු පාර්ලිමේන්තු මන්ත්රී වසන්ත යාපාගේ මූලිකත්වයෙන් අද (10) මහනුවර නගර මධ්යයේ සංවිධානය කර තිබිණි.
ඊට මහනුවර නගර සභාවේ පොහොට්ටු නාගරික මන්ත්රීවරු පිරිසක් ඇතුළු කණ්ඩායමක් සහභාගී වී සිටියහ.
තිස් වසරක ත්රස්තවාදය පරාජය කර කොවිඩ් උවදුරින් රට මුදා ගත් ජනපති ගෝඨාභය රාජපක්ෂගේ සෞභාග්යයේ ඉදිරි දැක්ම යථාර්තයක් කිරීම සඳහා සහාය දිය යුතු බවත් ඒ සඳහා ඔහුට අවස්ථාව ලබාදිය යුතු බවත් කියමින් ඔවුහු උද්ඝෝෂණය කළහ.
“ගෝටා ගෝ හෝම්“ කියමින් රටම උද්ඝෝෂණ දියත් කරන විට ඊට එරෙහිව විරෝධය දැක්වූ මෙම පිරිස මහනුවර රැජින හෝටලය ඉදිරිපිට සිට දළදා වීදිය ඔස්සේ පාගමනින් මහනුවර ඔරලෝසු කණුව ඉදිරිපිටට ගොස් විරෝධතාවයේ නිරත වූහ.
