පොළොන්නරුව – හබරණ මාර්ගයේ බටුඔය ප්රදේශයේ ගිනි ගනිමින් තිබියදී සොයා ගත් ඩබල් කැබ් රථය තුලින් හමුවන පිලිස්සී ගිය මළ සිරුර දෙකටන ප්රදේශයේ ව්යාපාරිකයෙක්වන විතාන හපුතන්ත්රිගේ සුනිල් නමැති අවුරුදු 62ක් පමණවන පුද්ගලයාගේ බව පොලිසිය සිදුකළ පරීක්ෂණවලදී තහවුරු කරගෙන තිබේ.
පොලිසිය පවසන්නේ මූලික විමර්ශනවලින් රථයට ගිනිතබා ඇති ආකාරය අනාවරණය වන බවය.
මෝටර් රථය ආසන්නයේ තිබී සොයාගත් බෑගයක ගම්පහ ප්රදේශයේ පදිංචිකරුවකුට අයත් ජාතික හැඳුනුම්පතක් සහ විවිධ ලිපි ලේඛන තිබූ බැවින්, පිළිස්සුණු රථයේ තිබී හමුවූ සිරුර හඳුනාගැනීමට ඒවා උපකාරී වූ බවයි.
සිද්ධිය සම්බන්ධයෙන් සැකසහිත තත්ත්වයක් පවතින බැවින් රජයේ රස පරීක්ෂක දෙපාර්තමේන්තුව, අධිකරණ වෛද්ය නිලධාරීවරයා සහ ප්රදේශයේ මහේස්ත්රාත්වරයාගේ සහාය ඇතිව පරීක්ෂණ ආරම්භ කර ඇති බව පොලිසිය පවසයි.
