ගාලු මුවදොර අරගලකරුවන්ට පහරදීම වෙනතකට යොමුකරමින් පොලිස්පතිවරයාව අත්අඩංගුවට ගැනීමේ සූදානමක් ඇතැයි පොලීසියේ අභ්යන්තරයේ දැඩි කථාබහක් මේ වන විට පැන නැගී තිබේ.
මේ වනවිටත් පොලිස්පතිධූරයට පත්වීමට ජ්යෙෂඨ නිලධාරියෙක් හතර වටේ යන බවත් ප්රහාරය වැලැක්වීමට ක්රියා නොකිරීම සම්බන්ධයෙන් සමාජයේ දැඩිව කථාබහක් පවතින්නේ ඒම නිලධාරියාට බවද පොලීසියේ අභ්යන්තරයේ කථාබහක් පවතී.
ඒම නිලධාරියා මේ වන විට තමාට හිතවත් නිලධාරීන් දෙතුන් දෙනෙක් සමඟ එක්ව පහරදීම සම්බන්ධයෙන් පැවති රජයයට එල්ලවන චෝදනාවලින් ඔවුන්ව ගලවා පොලිස්පතිවරයාට ඒම චෝදනා ඒල්ලකිරීමේ සැළසුම් සහගත වැඩ පිළිවෙලකට සම්බන්ධව සිටින බවද පොලීසියේ නිලධාරීන් අතර කථාබහක් පවතී.
මේ අතර මානව හිමිකම් කොමිසම හමුවේ පෙනී සිටි බස්නාහිර පළාත් පොලිස් ප්රධානී ජ්යෙෂ්ඨ නියෝජ්ය පොලිස්පති දේශබන්දු තෙන්නකෝන් පවසා ඇතැයි වාර්තා වන්නේ කළහාකාරී පිරිස් ගාලු මුවදොර පිටියට පිවිසීම වැලැක්වීමට ජනාධිපති ගෝඨාභය රාජපක්ෂ තමාට උපදෙස් ලබාදී තිබුණු බවය.
ජනාධිපතිවරයාගේ උපදෙස් අනුව තමන් අවශ්ය නිලධාරීන් විශේෂ කාර්ය බලකාය කැඳවා තිබුණු බවත් ජල ප්රහාරක රථ දෙකක් සහ කඳුළු ගෑස් ප්රහාර එල්ලකරන නිලධාරීන් ද කැදවා තිබුණු බවත් මානව හිමිකම් කොමිසම හමුවේ පවසා ඇති බව සඳහන්ය.
ඒහෙත් අවසන් මොහොතේ ඉහළ නිලධාරීන් දෙදෙනෙක් ජනාධිපතිවරයාගෙන් කුමන උපදෙස් ලැබුණද කඳුළු ගෑස් හා ජල ප්රහාර එල්ල නොකරන ලෙසට තමාට උපදෙස් ලැබුණු බවද තමාට මෙන්ම ඒහි සිටි තවත් නිලධාරීන්ට ඒම උපදෙස ලැබී තිබුණු බවද දේශබන්දු තෙන්නකෝන් මානව හිමිකම් කොමිසම හමුවේ සඳහන් කර තිබෙන බව කියැවේ.
