පේරාදෙණිය විශ්වවිශ්වවිද්යාලයේ සෙනරත් පරණවිතාන කෞතුකාගාරයේ පුරාවස්තු කොල්ලකෑම සහ විශ්වවිද්යාලයේ පිරිසක් විසින්ම එම කෞතුකාගාරයේ දොර අගුළු කඩාදමා අනවසරයෙන් ඊට ඇතුළුවීමට ක්රියා කිරීම සම්බන්ධයෙන් වසර තුනක සිට සිදු කරමින් පවතින විමර්ශනයන්ට අදාළ ව ඊයේ (8දා) සහ අද ( 9දා) දින දෙක තුළදී විශේෂ පරීක්ෂණයක් කෞතුකාර පරිශ්රය තුළ සිදුවිය.
අපරාධ පරීක්ෂණ දෙපාරත්මේන්තුව මගින් සිදුකරන අදාල විමර්ශනය සදහා මෙම දෙදින තුළදී ජාතික කෞතුකාගාර නියෝජිතයින් මධ්යම පළාත් කෞතුකාගාර නියෝජිතයින් මැණික් හා ස්වර්ණාභරණ නියෝජිතයින් මහනුවර පොලිසියේ විශේෂ විමර්ශන ඒකකයට (soco)අයත් පොලිස් නිලධාරීන් ඇතුළු විශේෂ කණ්ඩායමක් පැමිණියහ.
ඊයේ (8)දා පස්වරු 6 තෙක් විමර්ශන කටයුතු මෙහෙය වූ විමර්ශන කණ්ඩායම ඊයේ රාත්රියේ විශ්ව විද්යාලයේ ගල් බංගලාවේ නවාතැන් ගත්හ. අනතුරුව අද දිනයේදී ද විමර්ශන කටයුතු මෙහෙයවන ලදි.
පේරාදෙණිය විශ්වවිද්යාලයේ පිහිටුවා ඇති සෙනරත් පරණවිතාන කෞතුකාගාරයේ තිබුණු මිල කළ නොහැකි කෞතුක වටිනාකමක් සහිත කලාත්මක ඇත්දළ භාණ්ඩ 09න් 05ක් අතුරුදහන් වීම, වටිනා පුරාවස්තු සහ පුස්තක අස්ථානගතවීම ඇතුළු පුරාවස්තු චෞරයින් සම්බන්ධව සිදුකරන මෙම පරීක්ෂණයේ දී සරසවි පරිපාලනය මේ අපරාධයට සම්බන්ධවී ඇති ද යන අවධානය මත පරීක්ෂණ මෙහෙයවෙමින් පවතින බව අභ්යන්තර ආරංචි මාර්ග කියයි.
