විහාරාස්ථානයේ ශීල සමාදානයේ යෙදීම ඇතුළු පින්කම්වලට සහභාගී වෙමින් විහාරයේ වැඩ වසන හිමිනමක සමඟ හිතවත්ව උන් වහන්සේගේ රුපියල් කෝටි පහකට ආසනන් මුදලක් වංචා කළ 71 හැවිරිදි කාන්තාවක් අපරාධ පරීක්ෂණ දෙපාර්තමෙන්තුව විසින් අත්අඩංගුවට ගනු ලැබ ඇත.
කඩවත ප්රදේශයේ ඇති ඇය සතු ඉන්ධන පිරවුම්හළක් හිමියන්ට ලබා දෙන බව පවසමින් ඇය විසින් මෙම මුදල ලබාගෙන ඇති අතර මෙම වංචාවට හසුව ඇත්තේ කැලණිය පුදේශයේ විහරාස්ථානයක විහාරාධිකාරී හිමි නමකි.
අපරාධ පරීක්ෂණ දෙපාර්තමේන්තුවේ මූල්ය හා වාණිජ අපරාධ විමර්ශන කොට්ඨාසය විසින් අත්අඩංගුවට ගෙන ඇති මෙම කාන්තාව කැලණිය ගෝනවල පමණුවිල ප්රෙද්ශයේ පදිංචිකාරියක වන අතර ඇය කඩවත සහ ගනේමුල්ලේ පිහිටි ඉන්ධන පිරවුම්හල් දෙකක හිමිකාරියක් බව සඳහන් වේ.
මේ කාන්තාවට රැවටී රුපියල් ලක්ෂ 470ක මුදලක් අහිමි කර ගත් විහාරාධිපති හිමියන් විශ්වවිද්යාල කථිකාචාර්ය හිමිනමක්ද වෙති.
ජපානය සමඟ ඉතා කිට්ටු සම්බන්ධකම් ඇති තරුණ භික්ෂුවක් වන මේ හිමිනමට ජපානයේ විහාරස්ථානයක්ද හිමිව ඇති බව සඳහන්ය.
මේ හිමිනම විහාරාධිපති ධුරය දරන විහාරස්ථානයේ පෙහෙවස් සමාදන් වීමටද පැමිණෙන මේ කාන්තාව ඒ ඔස්සේ හිමිනම සමඟ කුලුපග වෙමින් මේ වංචාව කර ඇති බව විමර්ශනවලින් පෙනී ගොස් ඇත.
