දිනසේන රතුගමගේ –
පුරා විද්යා දෙපාර්තමේන්තුව ආගමීකරණය කිරීමෙන් වළකින ලෙසත් ශ්රී ලංකාවේ පුරාවිද්යාත්මක සොයාගැනීම් ශ්රී ලංකාවට පොදු වුවත් ඒවා කිසිදු ජාතියකට හෝ ආගමකට අයත් නොවිය හැකි බවත් පාර්ලිමේන්තු මන්ත්රී හා උතුරු පළාත් හිටපු ආණ්ඩුකාර ආචාර්ය සුරේන් රාගවන් පැවසීය.
මන්ත්රීවරයා මේ බව පැවසුවේ උතුරේ පුරා විද්යා කැනීම් නිසා හටගෙන තිබෙන අර්බුද සඳහා ගත හැකි ක්රියාමාර්ග සාකච්ඡා කිරීම පිණිස ජාතික උරුම, ප්රාසාංග කලා හා ග්රාමීය කලා ශිල්පී ප්රවර්ධන කටයුතු පිළිබද රාජ්ය අමාත්ය විදුර වික්රමනායකගේ ප්රධානත්වයෙන් අමාත්යංශයේ පැවති සාකච්ඡාවකදීය.
මෙහිදී දෙමළ දේශපාලන පක්ෂ වල මන්ත්රීවරු විශාල පිරිසක් අදහස් දැක් වූ අතර සුරේන් රාගවන් මන්ත්රීවරයා තවදුරටත් කියා සිටියේ පුරාවිද්යා දෙපාර්තමේන්තුව දෙමළ ප්රදේශවල කැණීම් කරන විට එය සිංහල නම් සහිත ප්රදේශ ගැසට් නිවේදන මගින් හඳුනා ගන්නා බවත් මෙය දෙමළ ජනතාව අතර විශාල සැකයක් ඇති කරන බවත් එබැවින් ගැසට් නිවේදනවල දෙමළ නම් භාවිතා කළ යුතු බවත්ය.
අනුරාධපුරයේ රුවන්වැලි සෑය ඇතුළු බෞද්ධ විහාරස්ථාන පුරාවිද්යා දෙපාර්තමේන්තුවේ පාලනය යටතේ පැවතුනද, එහි ආගමික වතාවත් සිදුකිරීමට සියළුම ජාතීන්ට අවසර ලබා දී ඇති බව පෙන්වා දුන් මන්ත්රීවරයා උතුරේ දෙමළ පළාත්වල පිහිටි ආගමික ස්ථාන පුරා විද්යා දෙපාර්තමේන්තුව යටතට ගනු ලැබූවත් දෙමළ ජනතාව එම ස්ථානවලට ගොස් කාලයක් තිස්සේ වන්දනාමාන සිදු කළේ නම් ඒ සදහා එම ආගමික වතාවත් වල නිරත වීමට ඔවුන්ට අවසරය හිමි විය යුතුව ඇති බවද කියා සිටියේය.
පුරාවිද්යාව පිළිබඳ එම්.එස්.සී උපාධිය සම්පූර්ණ කර ඇති අය විවිධ රජයේ ආයතනවල දෙමළ සංවර්ධන නිලධාරීන් ලෙස සේවය කරන අතර පුරාවිද්යා දෙපාර්තමේන්තුවේ පුරාවිද්යා නිලධාරීන් ලෙස සුදුසුකම් ලැබීමට ඔවුන්ටඅවස්ථාව තිබියයුතු බවත් උතුරේ සංවර්ධන කමිටු රැස්වීම සඳහා පුරා විද්යා නිලධාරීන් සහභාගී වන්නේ නම් මේ අඩුපාඩුකම් මග හැරී යන බවත් අඩු නිලධාරීන් සංඛ්යාවක් යටතේ විශාල ප්රදේශ ගණනාවක් තුළ පුරා විද්යා දෙපාර්තමේන්තුව කැණීම් කිරීම නිසා අසාර්ථකභාවයක් පෙන්නුම්කරණ බවත් සුරේන් රාගවන් මන්ත්රීවරයා මෙහිදී පෙන්වා දුන්නේය.
