දිනසේන රතුගමගේ –
ඓතිහාසික සහ පුරාවිද්යාත්මක සාධක මගින් තහවුරු කර ලේඛණගත කර ඇති වවුනියාවේ නෙඩුන්කේණී ප්රදේශයේ පිහිටි ඓතිහාසික වඩ්ඩමාන පබ්බත විහාරය සාමකාමීව හින්දු සහ බෞද්ධ දෙපාර්ශවයටම වන්දනා කිරීම සඳහා පරිහරණය කරන ලෙස අධිකරණය විසින් ඊයේ (14) නියෝග කළේය.
මෙම පුරාණ වඩ්ඪමාන පබ්බත විහාරය මීට දශක කීපයකට පෙර හින්දු බැතීමතුන් විසින් වෙඩුක්කුනාරීමලෙයි ලෙස හඳුන්වා හින්දු පුදබිමක් ලෙස නම් කරගෙන වන්දනාමාන කරමින් සිට ඇති බව අධිකරණයේ දී පුරාවිද්යා දෙපාර්තමේන්තුව අනාවරණය කළේය.
කෙසේ වෙතත් මෙම පුදබිමේ අයිතිවාසිකම් ඉල්ලා වවුනියාව මහාධිකරණයේ නඩු හතරක් තිබූ අතර එම ස්ථානයේ පුරා විද්යා නටබුන් වලට හානි සිදු කළේ යැයි කියමින් පුරා විද්යා දෙපාර්තමේන්තුවද නඩු තුනක් ගොණු කොට තිබුණි.
මේ සම්බන්ධයෙන් නීතිපතිවරයා දැණුවත් කිරීමෙන් පසුව බෞද්ධයින් එම ස්ථානයේ නොමැති කමත් හින්දූන්ට එම ස්ථානයට යාමට අවසරයක් නොමැති නිසාත් දෙපිරිස හා පුරා විද්යා දෙපාර්තමේන්තුව සමග සාකච්ඡා කොට අවසන් වශයෙන් නඩු තීන්දුව ප්රකාශයට පත් කොට අත්තේ මෙම ස්ථානය දෙපිරිස විසින්ම ඉතා සාමකාමී ලෙස පරිහරණය කරණ ලෙසය.
ඒ අනුව අධිකරණ නියෝගයකින් හින්දු ජනතාවට මෙම ස්ථානයට ගොස් වන්දනාමාන කිරීමටත් පොංගල් උත්සව පැවැත්වීමටත් වාර්ෂික පූජා උළෙලවල් පැවැත්වීමටත් මින් ඉදිරියට අවසර ලබා දී ඇත.
නමුත් එම ස්ථානයේ ඇති පුරාවිද්යා දේපලවලට හානි කිරීම නව ගොඩනැගිලි ඉදිකිරීම හින්දු ජනතාවට තහනම් කොට තිබේ.
මෙම තීන්දුවත් සමග මෙම ස්ථානය සම්බන්ධයෙන් වවුනියාව අධිකරණයේ හා මහාධිකරණයේ ගොණු කොට තිබූ හා විභාග වෙමින් පැවති නඩු සීයල්ලම අහෝසි වීමක්ද සිදු වෙයි.
