නව පුද්ගලික විශ්වවිද්යාල පිහිටුවීම සඳහා මේ වනවිට අයදුම්පත් 20කට වැඩි ප්රමාණයක් ලැබී ඇති බව උසස් අධ්යාපන රාජ්ය ඇමති සුරේන් රාඝවන් පවසයි.
ඔහු මේ බව පවසන්නේ ජානධිපති කාර්යාලයේ පැවති විශේෂ මාධ්ය හමුව අමතමිනි.
“ දැනට විශ්ව විද්යාල 17කම ගන්න පුලුවන් උපරිම ප්රමාණය ශිෂ්ය ශිෂ්යාවන් අපි බන්දගෙන තියෙන්නේ. ලෝකයේ සම්මුතිය තමයි විද්යාර්ථයින් 15 දෙනෙකුට එක ගුරුවරයෙක් ඉන්න ඕන කියන එක. දැන් මේ බුද්ධි ගලනයත් එක්ක ඇතිවුන ගැටලු නිසා ඉන්නේ විද්යාර්ථයින් 30 දෙනෙකුට එක් ගුරුවරයෙක්.
උසස් පෙළ විෂය ධාරාවන් උගන්වන පාසල් 3000ක් තියනවා. එයින් 2100 දෙන්නේ කලා ධාරාව පමණයි. ඒ කියන්නේ විද්යා උපාධිධාරීන් ගුරුවරු වෙන්නේ නෑ. මන්ද, විද්යාවට තියන ඉල්ලුම නිසා ඒ අය ටියුෂන් ගුරුවරු වෙන්න කැමතියි.
කෙසේ වෙතත් රටේ සියලු දෙනාටම උස්ස අධ්යාපනය ලැබිය හැකි තත්ත්වයක් ඇති කරන්න අපි ට්රිලියන 02ක් ආයෝජනය කළ යුතුයි. ඒ කියන්නේ රටේ විශාලම අරමුදලවන ඊ.පී.එෆ් එකෙන් සියයට 50ක් ආයෝජනය කළ යුතුයි.
කඩා වැටුණ ආර්ථිකයක් ඇති රටක කවදාවත් එහෙම කරන්න බෑ. ඒ නිසා තමයි අපි පුද්ගලික විශ්විද්යාල පිහිටුවීම සඳහා ඉඩ ප්රස්ථාව වැඩි කළ යුත්තේ.
මම දන්නවා උපාධි කඩ කියනවා මේ පුද්ගලික විශ්වවිද්යාලවලට. මම හිතනවා ගැරහුම් කළ යුතුද ඒ ආකාරයට කියලා. පෞද්ගලික විශ්වවිද්යාල සඳහා අයදුම්පත් 20ක් විතර තියනවා. අපි ඒවා අධ්යයනය කරමින් ඉන්නවා. අපේ රටේ තියන පුද්ගලික විශ්වවිද්යාල උපාධි කඩනම් යේල් විශ්වවිද්යාලයත්, ඔක්ස්ෆර්ඩ් විශ්වවිද්යාලයත් කඩයක් විය යුතුයි. ඒ දෙකම පුද්ගලික විශ්ව විද්යාල.
රාජ්ය ඇමතිවරයා කීවේය.
