ඒ. ජේ. ඒ. අබේනායක –
පොලිසිය සමග ඇති ගැටලුවක් නිසා බොරු නඩු 38ක් පමණ පවරන ලදැයි කියන සිද්ධියක් සම්බන්ධව මහියංගනයේ පදිංචි හේරත් මුදියන්සේලාගේ පොඩි කුමාරිහාමි නම් පස් දරු මව හෙරොයින් ළඟ තබාගත්තේ යැයි පවරා ඇති නඩුවෙන් නිදොස් කොට නිදහස් කිරීමට බදුල්ල පූර්වගාමී මහාධිකරණ විනිසුරු රවීන්ද්ර ප්රේමරත්න ඊයේ නියෝග කළේය.
අදාළ වැටලීම ගැන ගැටලු රැසක් ඇතැයි ද, මිලිග්රෑම් 5000ක් අත්අඩංගුවට ගත් බව මුලින් සඳහන් කර රස පරීක්ෂක වෙත මිලිග්රෑම් 5250ක් යොමු කර ඇතැයි ද, එසේ වූයේ කෙසේදැයි සඳහන් කිරීමට සාක්කිකරුවන් අපොහොසත් වී ඇතැයි ද තීන්දුව ලබා දෙමින් මහාධිකරණ විනිසුරුවරයා විවෘත අධිකරණයේදී සඳහන් කළේය.
2020 අගෝස්තු 26 වැනිදා වැටලීම කර ඇති අතර 2022 පෙබරවාරි 08 වැනිදා ඊට අදාළව අධිචෝදනා ගොනු කර තිබේ.
